헬라어 문장 검색 - Πλυταρ́Αγεσιλά25́

(플루타르코스, Agesilaus, chapter 25)

εἶχεν οὖν υἱὸν ὁ Σφοδρίασ Κλεώνυμον, οὗ παιδὸσ ὄντοσ ἔτι καὶ καλοῦ τὴν ὄψιν Ἀρχίδαμοσ ὁ Ἀγησιλάου τοῦ βασιλέωσ υἱὸσ ἤρα. καὶ τότε συνηγωνία μὲν ὡσ εἰκὸσ αὐτῷ κινδυνεύοντι περὶ τὸν πατρόσ, συμπράττειν δὲ φανερῶσ καὶ βοηθεῖν οὐκ εἶχεν ἦν γὰρ ὁ Σφοδρίασ ἐκ τῶν διαφόρων τοῦ Ἀγησιλάου, τοῦ δὲ Κλεωνύμου προσελθόντοσ αὐτῷ καὶ μετὰ δεήσεωσ καὶ δακρύων ἐντυχόντοσ, ὅπωσ τὸν Ἀγησίλαον εὔνουν παράσχῃ, μάλιστα γὰρ ἐκεῖνον αὐτοῖσ φοβερὸν εἶναι, τρεῖσ μὲν ἢ τέσσαρασ ἡμέρασ αἰδούμενοσ τὸν πατέρα καὶ δεδιὼσ σιωπῇ παρηκολούθει· τέλοσ δὲ τῆσ κρίσεωσ ἐγγὺσ οὔσησ ἐτόλμησεν εἰπεῖν πρὸσ τὸν Ἀγησίλαον ὅτι Κλεώνυμοσ αὐτοῦ δεηθείη περὶ τοῦ πατρόσ·

ὁ δὲ Ἀγησίλαοσ εἰδὼσ ἐρῶντα τὸν Ἀρχίδαμον οὐκ ἔπαυσεν ἦν γὰρ ὁ Κλεώνυμοσ εὐθὺσ ἐκ παίδων ἐπίδοξοσ, εἴ τισ καὶ ἄλλοσ, ἀνὴρ ἔσεσθαι σπουδαῖοσ.

οὐ μὴν ἐνέδωκέ τι τότε χρηστὸν ἢ φιλάνθρωπον ἐλπίσαι δεομένῳ τῷ παιδί, σκέψεσθαι δὲ φήσασ ὅ τι καλῶσ ἔχοι καὶ πρεπόντωσ, ἀπῆλθεν. αἰδούμενοσ οὖν ὁ Ἀρχίδαμοσ ἐξέλειπε τὸ προσιέναι τῷ Κλεωνύμῳ, καίπερ εἰωθὼσ πολλάκισ τοῦτο τῆσ ἡμέρασ ποιεῖν πρότερον.

ἐκ δὲ τούτου κἀκεῖνοι τὰ κατὰ τὸν Σφοδρίαν μᾶλλον ἀπέγνωσαν, ἄχρι οὗ τῶν Ἀγησιλάου φίλων Ἐτυμοκλῆσ ἔν τινι κοινολογίᾳ πρὸσ αὐτοὺσ ἀπεγύμνωσε τὴν γνώμην τοῦ Ἀγησιλάου· τὸ μὲν γὰρ ἔργον ὡσ ἔνι μάλιστα ψέγειν αὐτόν, ἄλλωσ γε μὴν ἄνδρα τὸν Σφοδρίαν ἀγαθὸν ἡγεῖσθαι καὶ τὴν πόλιν ὁρᾶν τοιούτων στρατιωτῶν δεομένην. τούτουσ γὰρ ὁ Ἀγησίλαοσ ἑκάστοτε τοὺσ λόγουσ ἐποιεῖτο περὶ τῆσ δίκησ, τῷ παιδὶ χαρίζεσθαι βουλόμενοσ, ὥστε καὶ τὸν Κλεώνυμον εὐθὺσ αἰσθάνεσθαι τὴν σπουδὴν τοῦ Ἀρχιδάμου καὶ τοὺσ φίλουσ τοὺσ τοῦ Σφοδρίου θαρροῦντασ ἤδη βοηθεῖν.

ἦν δὲ καὶ φιλότεκνοσ ὁ Ἀγησίλαοσ διαφερόντωσ· καὶ περὶ ἐκείνου τὸ τῆσ παιδιᾶσ λέγουσιν, ὅτι μικροῖσ τοῖσ παιδίοισ οὖσι κάλαμον περιβεβηκὼσ ὥσπερ ἵππον οἴκοι συνέπαιζεν, ὀφθεὶσ δὲ ὑπό τινοσ τῶν φίλων παρεκάλει μηδενὶ φράσαι, πρὶν ἂν καὶ αὐτὸσ πατὴρ παίδων γένηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 25

(플루타르코스, Agesilaus, chapter 25)

상위

목록

SEARCH

MENU NAVIGATION