Epictetus, Works, chapter 22

Εἰ φιλοσοφίασ ἐπιθυμεῖσ, παρασκευάζου αὐτόθεν ὡσ καταγελασθησόμενοσ, ὡσ καταμωκησομένων σου πολλῶν, ὡσ ἐρούντων ὅτι "ἄφνω φιλόσοφοσ ἡμῖν ἐπανελήλυθε" καὶ "πόθεν ἡμῖν αὕτη ἡ ὀφρύσ; σὺ δὲ ὀφρὺν μὲν μὴ σχῇσ· τῶν δὲ βελτίστων σοι φαινομένων οὕτωσ ἔχου, ὡσ ὑπὸ τοῦ θεοῦ τεταγμένοσ εἰσ ταύτην τὴν χώραν· μέμνησό τε διότι, ἐὰν μὲν ἐμμείνῃσ τοῖσ αὐτοῖσ, οἱ καταγελῶντέσ σου τὸ πρότερον οὗτοί σε ὕστερον θαυμάσονται, ἐὰν δὲ ἡττηθῇσ αὐτῶν, διπλοῦν προσλήψῃ καταγέλωτα.