헬라어 문장 검색 - ΕπιξτέΩορκσ́40́

(에픽테토스, Works, chapter 33)

Τάξον τινὰ ἤδη χαρακτῆρα σαυτῷ καὶ τύπον, ὃν φυλάξεισ ἐπί τε σεαυτοῦ ὢν καὶ ἀνθρώποισ ἐντυγχάνων. καὶ σιωπὴ τὸ πολὺ ἔστω ἢ λαλείσθω τὰ ἀναγκαῖα καὶ δι’ ὀλίγων.

σπανίωσ δέ ποτε καιροῦ παρακαλοῦντοσ ἐπὶ τὸ λέγειν λέξον μέν, ἀλλὰ περὶ οὐδενὸσ τῶν τυχόντων· μὴ περὶ μονομαχιῶν, μὴ περὶ ἱπποδρομιῶν, μὴ περὶ ἀθλητῶν, μὴ περὶ βρωμάτων ἢ πομάτων, τῶν ἑκασταχοῦ, μάλιστα δὲ μὴ περὶ ἀνθρώπων ψέγων ἢ ἐπαινῶν ἢ συγκρίνων. ἂν μὲν οὖν οἱο͂́σ τε ᾖσ, μετάγαγε τοῖσ σοῖσ λόγοισ καὶ τοὺσ τῶν συνόντων ἐπὶ τὸ προσῆκον.

εἰ δὲ ἐν ἀλλοφύλοισ ἀποληφθεὶσ τύχοισ, σιώπα. γέλωσ μὴ πολὺσ ἔστω μηδὲ ἐπὶ πολλοῖσ μηδὲ ἀνειμένοσ.

ὁρ́κον παραίτησαι, εἰ μὲν οἱο͂́ν τε, εἰσ ἅπαν, εἰ δὲ μή, ἐκ τῶν ἐνόντων.

ἑστιάσεισ τὰσ ἔξω καὶ ἰδιωτικὰσ διακρούου· ἐὰν δέ ποτε γίνηται καιρόσ, ἐντετάσθω σοι ἡ προσοχή, μήποτε ἄρα ὑπορρυῇσ εἰσ ἰδιωτισμόν.

ἴσθι γάρ, ὅτι, ἐὰν ὁ ἑταῖροσ ᾖ μεμολυσμένοσ, καὶ τὸν συνανατριβόμενον αὐτῷ συμμολύνεσθαι ἀνάγκη, κἂν αὐτὸσ ὢν τύχῃ καθαρόσ. τὰ περὶ τὸ σῶμα μέχρι τῆσ χρείασ ψιλῆσ παραλάμβανε, οἱο͂ν τροφάσ, πόμα, ἀμπεχόνην, οἰκίαν, οἰκετίαν·

τὸ δὲ πρὸσ δόξαν ἢ τρυφὴν ἅπαν περίγραφε. περὶ ἀφροδίσια εἰσ δύναμιν πρὸ γάμου καθαρευτέον· ἁπτομένῳ δὲ ὧν νόμιμόν ἐστι μεταληπτέον.

μὴ μέντοι ἐπαχθὴσ γίνου τοῖσ χρωμένοισ μηδὲ ἐλεγκτικόσ· μηδὲ πολλαχοῦ τὸ ὅτι αὐτὸσ οὐ χρῇ, παράφερε. ἐὰν τίσ σοι ἀπαγγείλῃ ὅτι ὁ δεῖνά σε κακῶσ λέγει, μὴ ἀπολογοῦ πρὸσ τὰ λεχθέντα, ἀλλ’ ἀποκρίνου διότι "ἠγνόει γὰρ τὰ ἄλλα τὰ προσόντα μοι κακά, ἐπεὶ οὐκ ἂν ταῦτα μόνα ἔλεγεν" 3.

εἰσ τὰ θέατρα τὸ πολὺ παριέναι οὐκ ἀναγκαῖον. εἰ δέ ποτε καιρὸσ εἰή, μηδενὶ σπουδάζων φαίνου ἢ σεαυτῷ, τοῦτ’ ἔστι.

θέλε γίνεσθαι μόνα τὰ γινόμενα καὶ νικᾶν μόνον τὸν νικῶντα· οὕτω γὰρ οὐκ ἐμποδισθήσῃ. βοῆσ δὲ καὶ τοῦ ἐπιγελᾶν τινι ἢ ἐπὶ πολὺ συγκινεῖσθαι παντελῶσ ἀπέχου. καὶ μετὰ τὸ ἀπαλλαγῆναι μὴ πολλὰ περὶ τῶν γεγενημένων διαλέγου, ὅσα μὴ φέρει πρὸσ τὴν σὴν ἐπανόρθωσιν· ἐμφαίνεται γὰρ ἐκ τοῦ τοιούτου, ὅτι ἐθαύμασασ τὴν θέαν. εἰσ ἀκροάσεισ τινῶν μὴ εἰκῇ μηδὲ ῥᾳδίωσ πάριθι·

παριὼν δὲ τὸ σεμνὸν καὶ τὸ εὐσταθὲσ καὶ ἅμα ἀνεπαχθὲσ φύλασσε. ὅταν τινὶ μέλλῃσ συμβαλεῖν, μάλιστα τῶν ἐν ὑπεροχῇ δοκούντων, πρόβαλε σαυτῷ, τί ἂν ἐποίησεν ἐν τούτῳ Σωκράτησ ἢ Ζήνων, καὶ οὐκ ἀπορήσεισ τοῦ χρήσασθαι προσηκόντωσ τῷ ἐμπεσόντι.

ὅταν φοιτᾷσ πρόσ τινα τῶν μέγα δυναμένων, πρόβαλε, ὅτι οὐχ εὑρήσεισ αὐτὸν ἔνδον, ὅτι ἀποκλεισθήσῃ, ὅτι ἐντιναχθήσονταί σοι αἱ θύραι, ὅτι οὐ φροντιεῖ σου.

κἂν σὺν τούτοισ ἐλθεῖν καθήκῃ, ἐλθὼν φέρε τὰ γινόμενα καὶ μηδέποτε εἴπῃσ αὐτὸσ πρὸσ ἑαυτὸν ὅτι "οὐκ ἦν τοσούτου"· ἰδιωτικὸν γὰρ καὶ διαβεβλημένον πρὸσ τὰ ἐκτόσ. ἐν ταῖσ ὁμιλίαισ ἀπέστω τὸ ἑαυτοῦ τινων ἔργων ἢ κινδύνων ἐπὶ πολὺ καὶ ἀμέτρωσ μεμνῆσθαι.

οὐ γάρ, ὡσ σοὶ ἡδύ ἐστι τὸ τῶν σῶν κινδύνων μεμνῆσθαι, οὕτω καὶ τοῖσ ἄλλοισ ἡδύ ἐστι τὸ τῶν σοὶ συμβεβηκότων ἀκούειν. ἀπέστω δὲ καὶ τὸ γέλωτα κινεῖν·

ὀλισθηρὸσ γὰρ ὁ τρόποσ εἰσ ἰδιωτισμὸν καὶ ἅμα ἱκανὸσ τὴν αἰδῶ τὴν πρὸσ σὲ τῶν πλησίον ἀνιέναι. ἐπισφαλὲσ δὲ καὶ τὸ εἰσ αἰσχρολογίαν προελθεῖν.

ὅταν οὖν τι συμβῇ τοιοῦτον, ἂν μὲν εὔκαιρον ᾖ, καὶ ἐπίπληξον τῷ προελθόντι· εἰ δὲ μή, τῷ γε ἀποσιωπῆσαι καὶ ἐρυθριᾶσαι καὶ σκυθρωπάσαι δῆλοσ γίνου δυσχεραίνων τῷ λόγῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, chapter 33

(에픽테토스, Works, chapter 33)

상위

목록

SEARCH

MENU NAVIGATION