Epictetus, Works, chapter 4

(에픽테토스, Works, chapter 4)

Ὅταν ἅπτεσθαί τινοσ ἔργου μέλλῃσ, ὑπομίμνῃσκε σεαυτόν, ὁποῖόν ἐστι τὸ ἔργον. ἐὰν λουσόμενοσ ἀπίῃσ, πρόβαλλε σεαυτῷ τὰ γινόμενα ἐν βαλανείῳ, τοὺσ ἀπορραίνοντασ, τοὺσ ἐγκρουομένουσ, τοὺσ λοιδοροῦντασ, τοὺσ κλέπτοντασ. καὶ οὕτωσ ἀσφαλέστερον ἅψῃ τοῦ ἔργου, ἐὰν ἐπιλέγῃσ εὐθὺσ ὅτι "λούσασθαι θέλω καὶ τὴν ἐμαυτοῦ προαίρεσιν κατὰ φύσιν ἔχουσαν τηρῆσαι". καὶ ὡσαύτωσ ἐφ’ ἑκάστου ἔργου. οὕτω γὰρ ἄν τι πρὸσ τὸ λούσασθαι γένηται ἐμποδών, πρόχειρον ἔσται διότι "ἀλλ’ οὐ τοῦτο ἤθελον μόνον, ἀλλὰ καὶ τὴν ἐμαυτοῦ προαίρεσιν κατὰ φύσιν ἔχουσαν τηρῆσαι· οὐ τηρήσω δέ, ἐὰν ἀγανακτῶ πρὸσ τὰ γινόμενα.

일치하는 문장이 없습니다.

SEARCH

MENU NAVIGATION