Demosthenes, Speeches 21-30, Κατὰ Ἀριστογείτονοσ Α 93:

ἤδη τοίνυν τινὰσ εἶδον τῶν ἀγωνιζομένων οἳ τοῖσ πράγμασιν αὐτοῖσ ἁλισκόμενοι, καὶ οὐκ ἔχοντεσ ὡσ οὐκ ἀδικοῦσι δεῖξαι, οἱ μὲν εἰσ τὴν τοῦ βίου μετριότητα καὶ σωφροσύνην κατέφυγον, οἱ δ’ εἰσ τὰ τῶν προγόνων ἔργα καὶ λῃτουργίασ, οἱ δ’ εἰσ ἕτερα τοιαῦτα δι’ ὧν εἰσ ἔλεον καὶ φιλανθρωπίαν τοὺσ δικάζοντασ ἤγαγον. τούτῳ δ’ οὐδέν’ ὁρῶ τῶν τόπων τούτων βάσιμον ὄντα, ἀλλὰ πάντ’ ἀπόκρημνα, φάραγγασ, βάραθρα.