Demosthenes, Speeches 21-30, Κατὰ Τιμοκράτους 45:

ἠκούσατε μὲν τοῦ νόμου· πολλῶν δὲ καλῶσ κειμένων νόμων τῇ πόλει οὐδενὸσ ἧττον ἡγοῦμαι καὶ τοῦτον ἀξίωσ ἐπαίνου γεγράφθαι. σκέψασθε γὰρ ὡσ δικαίωσ καὶ σφόδρ’ ὑπὲρ τοῦ δήμου κεῖται. οὐκ ἐᾷ τοῖσ ὑπάρχουσι νόμοισ ἐναντίον εἰσφέρειν, ἐὰν μὴ λύσῃ τὸν πρότερον κείμενον. τίνοσ εἵνεκα; πρῶτον μὲν ἵν’ ὑμῖν ἐξῇ τὰ δίκαια ψηφίζεσθαι μετ’ εὐσεβείασ.