Demosthenes, Speeches 21-30, Κατὰ Ἀριστοκράτους 195:

ἴστε γὰρ δήπου τοῦθ’ ὅτι πάντεσ οἱ ξεναγοῦντεσ οὗτοι πόλεισ καταλαμβάνοντεσ Ἑλληνίδασ ἄρχειν ζητοῦσιν, καὶ πάντων, ὅσοι περ νόμοισ οἰκεῖν βούλονται τὴν αὑτῶν ὄντεσ ἐλεύθεροι, κοινοὶ περιέρχονται κατὰ πᾶσαν χώραν, εἰ δεῖ τἀληθὲσ εἰπεῖν, ἐχθροί. ἆρ’ οὖν, ὦ ἄνδρεσ Ἀθηναῖοι, καλὸν ἢ πρέπον ὑμῖν τοῦ μὲν εἵνεκα τῆσ ἑαυτοῦ πλεονεξίασ ἐπιβουλεύσοντοσ οἷσ ἂν τύχῃ τοιαύτην φυλακὴν ἐψηφισμένουσ φαίνεσθαι, τοῖσ δ’ ὑπὲρ τῆσ ἑαυτῶν ἐλευθερίασ ἀμυνουμένοισ εἴργεσθαι τῆσ ὑμετέρασ συμμαχίασ προειρηκέναι;