호흡부호 보기
강세부호 보기
장단부호 보기
작은 Iota 보기
모든 부호 보기
ἀλλ’ οὐχ οὗτοσ οὐδὲν ἀφεῖλεν, ἀλλ’ ἁπλῶσ, ἐάν τισ ἀποκτείνῃ Χαρίδημον, κἂν δικαίωσ, κἂν ὡσ οἱ νόμοι διδόασιν, ἔκδοτον ποιεῖ. καίτοι πᾶσίν εἰσι πράγμασι καὶ λόγοισ δύο προσθῆκαι, ἡ τοῦ δικαίου καὶ ἀδίκου· ἃσ ἅμα μὲν ταὐτὸ πρᾶγμ’ οὐδὲν ἂν δύναιτο σχεῖν οὐδὲ λόγοσ οὐδείσ πῶσ γὰρ ἂν δίκαι’ ἅμα ταὐτὰ καὶ μὴ γένοιτο; τὴν ἑτέραν δ’ ἕκαστον ἔχον δοκιμάζεται, κἂν μὲν τὴν ἄδικον φανῇ, πονηρὸν κρίνεται, ἂν δὲ τὴν δικαίαν, χρηστὸν καὶ καλόν. σὺ τοίνυν οὐδετέραν προσέθηκασ τούτων, ἄν τισ ἀποκτείνῃ γράφων· ἀλλ’ ἀόριστον εἰπὼν αὐτὴν τὴν αἰτίαν, καὶ μετὰ ταῦτ’ εὐθὺσ προσγράψασ ἀγώγιμον εἶναι, τρίτον τουτὶ δικαστήριον καὶ τὰ τούτου νόμιμα παραβεβηκὼσ φαίνει.
호흡부호 보기
강세부호 보기
장단부호 보기
작은 Iota 보기
모든 부호 보기