헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 64)

Ἀριστόξενοσ δ’ ὁ μουσικὸσ ἐν τῷ Ἀρχύτα· βίῳ ἀφικέσθαι φησὶ παρὰ Διονυσίου τοῦ νεωτέρου πρεσβευτὰσ πρὸσ τὴν Ταραντίνων πόλιν, ἐν οἷσ εἶναι καὶ πολύαρχον τὸν ἡδυπαθῆ ἐπικαλούμενον, ἄνδρα περὶ τὰσ σωματικὰσ ἡδονὰσ ἐσπουδακότα καὶ οὐ μόνον τῷ ἔργῳ ἀλλὰ καὶ τῷ λόγῳ. ὄντα δὲ γνώριμον τῷι Ἀρχύτᾳ καὶ φιλοσοφίασ οὐ παντελῶσ ἀλλότριον ἀπαντᾶν εἰσ τὰ τεμένη καὶ συμπεριπατεῖν τοῖσ περὶ τὸν Ἀρχύταν ἀκροώμενον τῶν λόγων, ἐμπεσούσησ δέ ποτε ἀπορίασ καὶ σκέψεωσ περί τε τῶν ἐπιθυμιῶν καὶ τὸ σύνολον περὶ τῶν σωματικῶν ἡδονῶν ἔφη ὁ Πολύαρχοσ· "ἐμοὶ μέν, ὦ ἄνδρεσ, πολλάκισ ἤδη πέφηνεν ἐπισκοποῦντι κομιδῇ ἄτοπον τὸ τῶν ἀρετῶν τούτων κατασκεύασμα καὶ πολὺ τῆσ φύσεωσ ἀφεστηκὸσ εἶναι. "ἡ γὰρ φύσισ ὅταν φθέγγηται τὴν ἑαυτῆσ φωνήν, ἀκολουθεῖν κελεύει ταῖσ ἡδοναῖσ καὶ τοῦτό φησιν εἶναι νοῦν ἔχοντοσ ι τὸ δὲ ἀντιτείνειν καὶ καταδουλοῦσθαι τὰσ ἐπιθυμίασ οὔτ’ ἔμφρονοσ οὔτε εὐτυχοῦσ οὔτε ξυνιέντοσ εἶναι τίσ ποτε ἐστὶν ἡ τῆσ ἀνθρωπίνησ φύσεωσ σύστασισ. "τεκμήριον δ’ ἰσχυρὸν εἶναι τὸ πάντασ ἀνθρώπουσ, ὅταν ἐξουσίασ ἐπιλάβωνται μέγεθοσ ἀξιόχρεων ἐχούσησ, ἐπὶ τὰσ σωματικὰσ ἡδονὰσ καταφέρεσθαι καὶ τοῦτο νομίζειν τέλοσ εἶναι τῆσ ἐξουσίασ, τὰ δὲ ἄλλα πάντα σχεδὸν ἁπλῶσ εἰπεῖν ἐν παρέργου τίθεσθαι χώρᾳ. προφέρειν δ’ ἔξεστι νῦν μὲν τοὺσ Περσῶν βασιλεῖσ καὶ εἲ τίσ που τυραννίδοσ ἀξιολόγου κύριοσ ὢν τυγχάνει· "πρότερον δὲ τούσ τε Λυδῶν καὶ τοὺσ Μήδων καὶ ἔτι ἀνώτερον καὶ τοὺσ Σύρων οἷσ οὐδὲν γένοσ ἡδονῆσ ἀζήτητον γενέσθαι, ἀλλὰ καὶ δῶρα παρὰ τοῖσ Πέρσαισ προκεῖσθαι λέγεται τοῖσ δυναμένοισ ἐξευρίσκειν καινὴν ἡδονὴν καὶ μάλα ὀρθῶσ, ταχὺ γὰρ ἡ ἀνθρωπίνη φύσισ ἐμπίπλαται τῶν χρονιζουσῶν ἡδονῶν, κἂν ὦσιν σφόδρα διηκριβωμέναι· "ὥστε ἐπεὶ μεγάλην ἔχει δύναμιν ἡ καινότησ πρὸσ τὸ μείζω φανῆναι τὴν ἡδονήν, οὐκ ὀλιγωρητέον,6 ἀλλὰ πολλὴν ἐπιμέλειαν αὐτῆσ ποιητέον. "διὰ ταύτην δὲ τὴν αἰτίαν πολλὰ μὲν ἐξευρεθῆναι βρωμάτων εἴδη, πολλὰ δὲ πεμμάτων, πολλὰ δὲ θυμιαμάτων καὶ μύρων, πολλὰ δὲ ἱματίων καὶ στρωμάτων καὶ ποτηρίων καὶ τῶν ἄλλων σκευῶν πάντα γὰρ δὴ ταῦτα συμβάλλεσθαί τινασ ἡδονάσ, ὅταν ᾖ ἡ ὑποκειμένη ὕλη τῶν θαυμαζομένων ὑπὸ τῆσ ἀνθρωπίνησ φύσεωσ ι ὃ δὴ πεπονθέναι δοκεῖ ὅ τε χρυσὸσ καὶ ἄργυροσ καὶ τὰ πολλὰ τῶν εὐοφθάλμων τε καὶ σπανίων, ὅσα καὶ κατὰ τὰσ ἀπεργαζομένασ τέχνασ διηκριβωμένα φαίνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 64

(아테나이오스, The Deipnosophists, Book 12, book 12, chapter 64)

상위

목록

SEARCH

MENU NAVIGATION