헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 9)

Κλέαρχοσ δὲ ὁ Σολεὺσ ἐν τετάρτῳ Βίων προειπὼν περὶ τῆσ Μήδων τρυφῆσ καὶ ὅτι διὰ ταύτην πολλοὺσ εὐνουχίσαιεν τῶν περικτιόνων, ἐπιφέρει καὶ τὴν παρὰ Μήδων γενέσθαι Πέρσαισ μηλοφορίαν μὴ μόνον ὧν ἔπαθον τιμωρίαν, ἀλλὰ καὶ τῆσ τῶν δορυφορούντων τρυφῆσ εἰσ ὅσον ἦλθον ἀνανδρίασ ὑπόμνημα. δύναται γάρ, ὡσ ἐοίκεν, ἡ παράκαιροσ ἅμα καὶ μάταιοσ αὐτῶν περὶ τὸν βίον τρυφὴ καὶ τοὺσ ταῖσ λόγχαισ καθωπλισμένουσ ἀγύρτασ ἀποφαίνειν. καὶ προελθὼν δὲ γράφει·

"τοῖσ γοῦν πορίσασί τι αὐτῷ ἡδὺ βρῶμα διδοὺσ ἆθλα τοῦ πορισθέντοσ οὐχ ἑτέραισ ἡδύνων ταῦτα τιμαῖσ παρετίθει, πολὺ δὲ μᾶλλον αὐτὸσ ἀπολαύειν αὐτῶν, νοῦν ἔχων· "ἧκον τρυφῆσ οἱ τῶν Περσῶν βασιλεῖσ ὥστε ἔχεσθαι τῆσ βασιλικῆσ κλίνησ ὑπὲρ κεφαλῆσ οἴκημά τι πεντάκλινον, ἐν ᾧ χρυσίου πεντακισχίλια διὰ παντὸσ ἔκειτο τάλαντα, καὶ τοῦτο ἐκαλεῖτο προσκεφάλαιον βασιλικόν. καὶ πρὸσ ποδῶν ἕτερον οἴκημα τρίκλινον, οὗ τάλαντα τρισχίλια ἔκειτο ἀργυρίου, καὶ προσηγορεύετο βασιλικὸν ὑποπόδιον. "ἦν δ’ ἐν τῷ κοιτῶνι καὶ λιθοκόλλητοσ ἄμπελοσ χρυσῆ ὑπὲρ τῆσ κλίνησ. τὴν δ’ ἄμπελον ταύτην Ἀμύντασ φησὶν ἐν τοῖσ Σταθμοῖσ καὶ βότρυασ ἔχειν ἐκ τῶν πολυτελεστάτων ψήφων συντεθειμένουσ.

οὐ μακράν τε ταύτησ ἀνακεῖσθαι κρατῆρα χρυσοῦν Θεοδώρου τοῦ Σαμίου ποίημα. Ἀγαθοκλῆσ δ’ ἐν τρίτῳ περὶ Κυζίκου ἐν Πέρσαισ φησὶν εἶναι καὶ χρυσοῦν καλούμενον ὕδωρ.

εἶναι δὲ τοῦτο λιβάδασ ἑβδομήκοντα, καὶ μηδένα πίνειν ἀπ’ αὐτοῦ ἢ μόνον βασιλέα καὶ τὸν πρεσβύτατον αὐτοῦ τῶν παίδων τῶν δ’ ἄλλων ἐάν τισ πίῃ, θάνατοσ ἡ ζημία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 9

(아테나이오스, The Deipnosophists, Book 12, book 12, chapter 9)

상위

목록

SEARCH

MENU NAVIGATION