헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 57)

Κλύτοσ δ’ ὁ Ἀριστοτελικὸσ ἐν τοῖσ περὶ Μιλήτου Πολυκράτην φησὶ τὸν Σαμίων τύραννον ὑπὸ τρυφῆσ τὰ πανταχόθεν συνάγειν, κύνασ μὲν ἐξ ἠπείρου, αἶγασ δὲ ἐκ Σκύρου, ἐκ δὲ Μιλήτου πρόβατα, ὗσ δ’ ἐκ Σικελίασ. Ἄλεξισ δ’ ἐν τρίτῳ Σαμίων ̔̀ Ὥρων ἐκ πολλῶν πόλεών φησιν κοσμηθῆναι τὴν Σάμον ὑπὸ τοῦ Πολυκράτουσ, κύνασ μὲν Μολοττικὰσ καὶ Λακαίνασ εἰσαγαγόντοσ, αἶγασ δ’ ἐκ Σκύρου καὶ Νάξου, πρόβατα δ’ ἐκ Μιλήτου καὶ τῆσ Ἀττικῆσ, μετεστέλλετο δέ, φησί, καὶ τεχνίτασ ἐπὶ μισθοῖσ μεγίστοισ. πρὸ δὲ τοῦ τυραννῆσαι κατασκευασάμενοσ στρωμνὰσ πολυτελεῖσ καὶ ποτήρια ἐπέτρεπε χρῆσθαι τοῖσ ἢ γάμον ἢ μείζονασ ὑποδοχὰσ ποιουμένοισ. ἐκ πάντων οὖν τούτων ἄξιον θαυμάζειν τὸν τύραννον ὅτι οὐδαμόθεν ἀναγέγραπται γυναῖκασ ἢ παῖδασ μεταπεμψάμενοσ, καίτοι περὶ τὰσ τῶν ἀρρένων ὁμιλίασ ἐπτοημένοσ, ὡσ καὶ ἀντερᾶν Ἀνακρέοντι τῷ ποιητῇ ὅτε καὶ δι’ ὀργὴν ἀπέκειρε τὸν ἐρώμενον.

πρῶτοσ δ’ ὁ Πολυκράτησ καὶ ναῦσ τινασ πήξασ ἀπὸ τῆσ πατρίδοσ Σαμαίνασ ἐκάλεσεν. Κλέαρχοσ δέ φησιν ὡσ Πολυκράτησ ὁ τῆσ ἁβρᾶσ Σάμου τύραννοσ διὰ τὴν περὶ τὸν βίον ἀκολασίαν ἀπώλετο, ζηλώσασ τὰ Λυδῶν μαλακά, ὅθεν τῷ τ’ ἐν Σάρδεσιν Ἀγκῶνι Γλυκεῖ προσαγορευομένῳ τὴν παρὰ τοῖσ Σαμίοισ λαύραν ἀντικατεσκεύασεν ἐν τῇ πόλει καὶ τοῖσ Λυδῶν ἄνθεσιν ἀντέπλεξε τὰ διαγγελθέντα Σαμίων ἄνθεα.

τούτων δὲ ἡ μὲν Σαμίων λαύρα στενωπή τισ ἦν γυναικῶν δημιουργῶν πλήθουσα καὶ τῶν πρὸσ ἀπόλαυσιν καὶ ἀκρασίαν πάντων βρωμάτων ὄντωσ ἐνέπλησε τὴν Ἑλλάδα· τὰ δὲ Σαμίων ἄνθη γυναικῶν καὶ ἀνδρῶν κάλλη διάφορα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 57

(아테나이오스, The Deipnosophists, Book 12, book 12, chapter 57)

상위

목록

SEARCH

MENU NAVIGATION