Athenaeus, The Deipnosophists, Book 12, book 12, chapter 44

(아테나이오스, The Deipnosophists, Book 12, book 12, chapter 44)

Ἰδομενεὺσ δέ φησι καὶ τοὺσ Πεισιστρατίδασ Ἱππίαν καὶ Ἵππαρχον εὑρεῖν θαλίασ καὶ κώμουσ· διὸ καὶ ἵππων καὶ ἑτέρων πολλῶν ἐπιπολάσαι τὸ πλῆθοσ παρ’ αὐτοῖσ· · ὅθεν βαρεῖαν αὐτῶν γενέσθαι τὴν ἀρχήν. καίτοι ὁ πατὴρ αὐτῶν Πεισίστρατοσ μετρίωσ ἐχρῆτο ταῖσ ἡδοναῖσ· ὥστε οὐδ’ ἐν τοῖσ χωρίοισ οὐδ’ ἐν τοῖσ κήποισ φύλακασ ἐφίστα,1 ὡσ Θεόπομποσ ἱστορεῖ ἐν τῇ πρώτῃ καὶ εἰκοστῇ, ἀλλ’ εἰά τὸν βουλόμενον εἰσιόντα ἀπολαύειν καὶ λαμβάνειν ὧν δεηθείη· ὅπερ ὕστερον ἐποίησε καὶ κίμων μιμησάμενοσ ἐκεῖνον. περὶ οὗ καὶ αὐτοῦ ἱστορῶν ἐν τῇ δεκάτῃ τῶν Φιλιππικῶν ὁ Θεόπομπόσ φησι· "Κίμων ὁ Ἀθηναῖοσ ἐν τοῖσ ἀγροῖσ καὶ τοῖσ κήποισ οὐδένα τοῦ καρποῦ καθίστα φύλακα, ὅπωσ οἱ βουλόμενοι τῶν πολιτῶν εἰσιόντεσ ὀπωρίζωνται καὶ λαμβάνωσιν εἴ τινοσ δέοιντο τῶν ἐν τοῖσ χωρίοισ. "ἔπειτα τὴν οἰκίαν παρεῖχε κοινὴν ἅπασι· "καὶ δεῖπνον αἰεὶ εὐτελὲσ παρασκευάζεσθαι πολλοῖσ ἀνθρώποισ καὶ τοὺσ ἀπόρουσ προσιόντασ τῶν Ἀθηναίων εἰσιόντασ δειπνεῖν. ἐθεράπευεν δὲ καὶ τοὺσ καθ’ ἑκάστην ἡμέραν αὐτοῦ τι δεομένουσ, καὶ λέγουσιν ὡσ περιήγετο μὲν ἀεὶ νεανίσκουσ δύ’ ἢ τρεῖσ ἔχοντασ κέρματα τούτοισ τε διδόναι προσέταττεν, ὁπότε τισ προσέλθοι αὐτῷ δεόμενοσ. "καί φασι μὲν αὐτὸν καὶ εἰσ ταφὴν εἰσφέρειν. "ποιεῖν δὲ καὶ τοῦτο πολλάκισ, ὁπότε τῶν πολιτῶν τινα ἴδοι κακῶσ ἠμφιεσμένον, κελεύειν αὐτῷ μεταμφιέννυσθαι τῶν νεανίσκων τινὰ τῶν συνακολουθούντων αὐτῷ. ἐκ δὴ τούτων ἁπάντων ηὐδοκίμει καὶ πρῶτοσ ἦν τῶν πολιτῶν. ὁ δὲ Πεισίστρατοσ καὶ ἐν πολλοῖσ βαρὺσ ἐγένετο, ὅπου καὶ τὸ Ἀθήνησι τοῦ Διονύσου πρόσωπον ἐκείνου τινέσ φασιν εἰκόνα.

일치하는 문장이 없습니다.

SEARCH

MENU NAVIGATION