Athenaeus, The Deipnosophists, Book 12, book 12, chapter 58

(아테나이오스, The Deipnosophists, Book 12, book 12, chapter 58)

Ἀλκισθένην δὲ τὸν Συβαρίτην φησὶν Ἀριστοτέλησ ἐν τοῖσ Θαυμασίοισ ὑπὸ τρυφῆσ ἱμάτιον τοιοῦτον κατασκευάσασθαι τῇ πολυτελείᾳ ὡσ προτίθεσθαι αὐτὸ ἐπὶ Λακινίου ἐν τῇ πανηγύρει τῆσ Ἥρασ, εἰσ ἣν συμπορεύονται πάντεσ Ἰταλιῶται, καὶ τῶν δεικνυμένων μάλιστα πάντων ἐκεῖνο θαυμάζεσθαι. οὗ φασι κυριεύσαντα Διονύσιον τὸν πρεσβύτερον ἀποδόσθαι Καρχηδονίοισ ρ’ καὶ κ’ ταλάντων, ἱστορεῖ δὲ καὶ Πολέμων περὶ αὐτοῦ ἐν τῷ ἐπιγραφομένῳ περὶ τῶν ἐν Καρχηδόνι Πέπλων. περὶ δὲ Σμινδυρίδου τοῦ Συβαρίτου καὶ τῆσ τούτου. "ἀπὸ μὲν Ἰταλίησ ἦλθε Σμινδυρίδησ ὁ Ἱπποκράτεοσ Συβαρίτησ, ὃσ ἐπὶ πλεῖστον δὴ χλιδῆσ εἷσ ἀνὴρ ἀφίκετο. ’ εἵποντο γοῦν αὐτῷ χίλιοι μάγειροι καὶ ὀρνιθευταί.

ἱστορεῖ περὶ αὐτοῦ καὶ Τίμαιοσ διὰ τῆσ ἑβδόμησ. περὶ δὲ τῆσ Διονυσίου τοῦ νεωτέρου Σικελίασ τυράννου τρυφῆσ Σάτυροσ ὁ περιπατητικὸσ ἱστορῶν ἐν τοῖσ Βίοισ πληροῦσθαί φησιν παρ’ αὐτῷ τριακοντακλίνουσ οἴκουσ ὑπὸ τῶν εὐωχουμένων. καὶ Κλέαρχοσ δὲ ἐν τῷ τετάρτῳ τῶν Βίων γράφει οὕτωσ· "Διονύσιοσ δ’ ὁ Διονυσίου ἁπάσησ γενόμενοσ Σικελίασ ἀλάστωρ εἰσ τὴν Λοκρῶν πόλιν παρελθὼν οὖσαν αὐτῷ μητρόπολιν Δωρὶσ γὰρ ἡ μήτηρ αὐτοῦ τὸ γένοσ ἦν Λοκρίσ στρώσασ οἶκον τῶν ἐν τῇ πόλει τὸν μέγιστον ἑρπύλλοισ καὶ ῥόδοισ μετεπέμπετο μὲν ἐν μέρει τὰσ Λοκρῶν παρθένουσ · "καὶ γυμνὸσ μετὰ γυμνῶν οὐδὲν αἰσχύνησ παρέλιπεν ἐπὶ τοῦ στρώματοσ κυλινδούμενοσ. "τοιγαροῦν μετ’ οὐ πολὺν χρόνον οἱ ὑβρισθέντεσ γυναῖκα καὶ τέκνα ἐκείνου λαβόντεσ ὑποχείρια ἐπὶ τῆσ ὁδοῦ στήσαντεσ μεθ’ ὕβρεωσ ἐνηκολάσταινον αὐτοῖσ· "καὶ ἐπεὶ τῆσ ὕβρεωσ πλήρεισ ἐγένοντο, κεντοῦντεσ ὑπὸ τοὺσ τῶν χειρῶν ὄνυχασ βελόναισ ἀνεῖλον αὐτούσ, καὶ τελευτησάντων τὰ μὲν ὀστᾶ κατέκοψαν ἐν ὅλμοισ, τὰ δὲ λοιπὰ κρεανομησάμενοι ἐπηράσαντο τοῖσ μὴ γευσαμένοισ αὐτῶν· "ὅθεν πρὸσ τὴν ἀνόσιον ἀρὰν κατήλεσαν αὐτῶν τὰσ σάρκασ, ἵν’ ἡ τροφὴ σιτοποιουμένων κατεδεσθῇ· "τὰ δὲ λείψανα κατεπόντωσαν. "αὐτὸσ δὲ Διονύσιοσ τέλοσ μητραγυρτῶν καὶ τυμπανοφορούμενοσ· "οἰκτρῶσ τὸν βίον κατέστρεψεν. "εὐλαβητέον οὖν τὴν καλουμένην τρυφὴν οὖσαν τῶν βίων ἀνατροπὴν ἁπάντων τε ὀλέθριον ἡγεῖσθαι τὴν ὕβριν.

일치하는 문장이 없습니다.

SEARCH

MENU NAVIGATION