Athenaeus, The Deipnosophists, Book 12, book 12, chapter 12

(아테나이오스, The Deipnosophists, Book 12, book 12, chapter 12)

τοσούτουσ γὰρ οἶδα γράψοντασ Ὀψαρτυτικά. καὶ κάνδαυλον δέ τινα ἔλεγον οἱ Λυδοί, οὐχ ἕνα ἀλλὰ τρεῖσ· οὕτωσ ἐξήσκηντο πρὸσ τὰσ ἡδυπαθείασ. θαυμαστὸν ἐμὸν εὑρ́ημα· γίνεσθαι δ’· αὐτόν φησιν ὁ Ταραντῖνοσ Ἡγήσιπποσ ἐξ ἑφθοῦ κρέωσ καὶ κνηστοῦ ἄρτου καὶ Φρυγίου τυροῦ ἀνήθου τε καὶ ζωμοῦ πίονοσ. μνημονεύει δ’ αὐτοῦ Ἄλεξισ ἐν Παννυχίδι ἢ Ἐρίθοισ· μάγειροσ δ’ ἐστὶν ὁ προσδιαλεγόμενοσ ὅτι δέ σοι παρὰ τοῦτο κάνδαυλόν τινα παραθήσομεν. β. κάνδαυλον; οὐκ ἐδήδοκα κάνδαυλον οὐδ’ ἀκήκο’ οὐδεπώποτε. α. ἐὰν παραθῶ σοι, προσκατέδει τοὺσ δακτύλουσ αὐτῷ γε χαίρων, χόρια μὲν ποιήσομεν β.

ἄνθρωπε, ποίει λευκὰ καὶ βλέπ’ εἰσ α. εἶτ’ ἀντακαῖον ἰχθύων τάριχοσ ἢ κρεῶν, βατανίων εὐθέωσ δίπυρον παραθήσω κᾠὸν ἐπιτετμημένον, πῦον, μέλιτοσ ὀξύβαφον ἐπὶ ταγηνιῶν, τυροῦ τροφάλια χλωρὰ Κυθνίου παρατεμὼν, βοτρύδιόν τι, χόριον, ἐν ποτηρίῳ γλυκὺν τὸ τοιοῦτον γὰρ ἀεί πωσ μέροσ ἐπιπαίζεται, κεφαλὴ δὲ δείπνου γίνεται. β.

ἄνθρωπ’ ἐπίπαιζε· μόνον ἀπαλλάγηθί μου, τοὺσ σοὺσ δὲ κανδαύλουσ λέγων καὶ χόρια καὶ βατάνια. πᾶσαν ἀφανιεῖσ τὴν ἡδονήν. μνημονεύει τοῦ κανδαύλου καὶ Φιλήμων ἐν Παρεισιόντι οὕτωσ· τοὺσ ἐν τῇ πόλει μάρτυρασ ἔχω γὰρ ὅτι μόνοσ φύσκην ποιῶ, κάνδαυλον, ᾠόθριον ἐν στενῷ. τί γὰρ τούτων διάπτωμ’ ἐγένετ’ ἢ ἁμάρτημα τί; καὶ Νικόστρατοσ ἐν Μαγείρῳ·

ὃσ μέλανα ποιεῖν ζωμὸν οὐκ ἠπίστατο, θρῖον δὲ καὶ κάνδαυλον. καὶ Μένανδροσ Τροφωνίῳ· Ιὠνικὸσ πλούταξ, ὑποστάσεισ ποιῶν κάνδαυλον, ὑποβινητιῶντα βρώματα. καὶ εἰσ τοὺσ πολέμουσ δὲ ἐξιόντεσ οἱ Λυδοὶ παρατάττονται μετὰ συρίγγων καὶ αὐλῶν, ὥσ φησιν Ἡρόδοτοσ. καὶ Λακεδαιμόνιοι δὲ μετ’ αὐλῶν ἐξορμῶσιν ἐπὶ τοὺσ πολέμουσ,8 καθάπερ Κρῆτεσ μετὰ λύρασ.

일치하는 문장이 없습니다.

SEARCH

MENU NAVIGATION