헬라어 문장 검색 - ΑπολλόΛιβραρψ́3́06́02́

(아폴로도로스, Library and Epitome, book 2, chapter 6 2:)

μετ’ οὐ πολὺ δὲ κλαπεισῶν ἐξ Εὐβοίασ ὑπὸ Αὐτολύκου βοῶν, Εὔρυτοσ μὲν ἐνόμιζεν ὑφ’ Ἡρακλέουσ γεγονέναι τοῦτο, Ἴφιτοσ δὲ ἀπιστῶν ἀφικνεῖται πρὸσ Ἡρακλέα, καὶ συντυχὼν ἥκοντι ἐκ Φερῶν αὐτῷ, σεσωκότι τὴν ἀποθανοῦσαν Ἄλκηστιν Ἀδμήτῳ, παρακαλεῖ συζητῆσαι τὰσ βόασ. καὶ τοῦτον διαλυθέντων τὸν τρόπον, λαμβάνει χρησμὸν Ἡρακλῆσ, ὃσ ἔλεγεν ἀπαλλαγὴν αὐτῷ τῆσ νόσου ἔσεσθαι πραθέντι καὶ τρία ἔτη λατρεύσαντι καὶ δόντι ποινὴν τοῦ φόνου τὴν τιμὴν Εὐρύτῳ. Ἡρακλῆσ δὲ ὑπισχνεῖται· καὶ ξενίζει μὲν αὐτόν, μανεὶσ δὲ αὖθισ ἀπὸ τῶν Τιρυνθίων ἔρριψεν αὐτὸν τειχῶν. καθαρθῆναι δὲ θέλων τὸν φόνον ἀφικνεῖται πρὸσ Νηλέα· Πυλίων ἦν οὗτοσ δυνάστησ. ἀπωσαμένου δὲ Νηλέωσ αὐτὸν διὰ τὴν πρὸσ Εὔρυτον φιλίαν, εἰσ Ἀμύκλασ παραγενόμενοσ ὑπὸ Δηιφόβου τοῦ Ἱππολύτου καθαίρεται. κατασχεθεὶσ δὲ δεινῇ νόσῳ διὰ τὸν Ἰφίτου φόνον, εἰσ Δελφοὺσ παραγενόμενοσ ἀπαλλαγὴν ἐπυνθάνετο τῆσ νόσου. μὴ χρησμῳδούσησ δὲ αὐτῷ τῆσ Πυθίασ τόν τε ναὸν συλᾶν ἤθελε, καὶ τὸν τρίποδα βαστάσασ κατασκευάζειν μαντεῖον ἴδιον. μαχομένου δὲ αὐτῷ Ἀπόλλωνοσ, ὁ Ζεὺσ ἱήσι μέσον αὐτῶν κεραυνόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 2, chapter 6 2:

(아폴로도로스, Library and Epitome, book 2, chapter 6 2:)

상위

목록

SEARCH

MENU NAVIGATION