호흡부호 보기
강세부호 보기
장단부호 보기
작은 Iota 보기
모든 부호 보기
μεταστάντοσ δὲ Ἡρακλέουσ εἰσ θεοὺσ οἱ παῖδεσ αὐτοῦ φυγόντεσ Εὐρυσθέα πρὸσ Κήυκα παρεγένοντο. ὡσ δὲ ἐκείνουσ ἐκδιδόναι λέγοντοσ Εὐρυσθέωσ καὶ πόλεμον ἀπειλοῦντοσ ἐδεδοίκεσαν, Τραχῖνα καταλιπόντεσ διὰ τῆσ Ἑλλάδοσ ἔφυγον. διωκόμενοι δὲ ἦλθον εἰσ Ἀθήνασ, καὶ καθεσθέντεσ ἐπὶ τὸν ἐλέου βωμὸν ἠξίουν βοηθεῖσθαι. Ἀθηναῖοι δὲ οὐκ ἐκδιδόντεσ αὐτοὺσ πρὸσ τὸν Εὐρυσθέα πόλεμον ὑπέστησαν, καὶ τοὺσ μὲν παῖδασ αὐτοῦ Ἀλέξανδρον Ἰφιμέδοντα Εὐρύβιον Μέντορα Περιμήδην ἀπέκτειναν· αὐτὸν δὲ Εὐρυσθέα φεύγοντα ἐφ’ ἁρ́ματοσ καὶ πέτρασ ἤδη παριππεύοντα Σκειρωνίδασ κτείνει διώξασ Ὕλλοσ, καὶ τὴν κεφαλὴν ἀποτεμὼν Ἀλκμήνῃ δίδωσιν· ἡ δὲ κερκίσι τοὺσ ὀφθαλμοὺσ ἐξώρυξεν αὐτοῦ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기