헬라어 문장 검색 - ΑπολλόΛιβραρψ́3́08́05́

(아폴로도로스, Library and Epitome, book 2, chapter 8 5:)

ἐπὶ δὲ τοῖσ βωμοῖσ οἷσ ἔθυσαν εὑρ͂ον σημεῖα κείμενα οἱ μὲν λαχόντεσ Ἄργοσ φρῦνον, οἱ δὲ Λακεδαίμονα δράκοντα, οἱ δὲ Μεσσήνην ἀλώπεκα. οὗτοσ ἀνδρωθεὶσ καὶ κρύφα κατελθὼν ἔκτεινε Πολυφόντην καὶ τὴν πατρῴαν βασιλείαν ἀπέλαβεν. περὶ δὲ τῶν σημείων ἔλεγον οἱ μάντεισ, τοῖσ μὲν τὸν φρῦνον καταλαβοῦσιν ἐπὶ τῆσ πόλεωσ μένειν ἄμεινον μὴ γὰρ ἔχειν ἀλκὴν πορευόμενον τὸ θηρίον, τοὺσ δὲ δράκοντα καταλαβόντασ δεινοὺσ ἐπιόντασ ἔλεγον ἔσεσθαι, τοὺσ δὲ τὴν ἀλώπεκα δολίουσ. Τήμενοσ μὲν οὖν παραπεμπόμενοσ τοὺσ παῖδασ Ἀγέλαον καὶ Εὐρύπυλον καὶ Καλλίαν, τῇ θυγατρὶ προσανεῖχεν Ὑρνηθοῖ καὶ τῷ ταύτησ ἀνδρὶ Δηιφόντῃ. ὅθεν οἱ παῖδεσ πείθουσί τινασ ἐπὶ μισθῷ τὸν πατέρα αὐτῶν φονεῦσαι. γενομένου δὲ τοῦ φόνου τὴν βασιλείαν ὁ στρατὸσ ἔχειν ἐδικαίωσεν Ὑρνηθὼ καὶ Δηιφόντην. Κρεσφόντησ δὲ οὐ πολὺν Μεσσήνησ βασιλεύσασ χρόνον μετὰ δύο παίδων φονευθεὶσ ἀπέθανε. Πολυφόντησ δὲ ἐβασίλευσεν, αὐτῶν τῶν Ἡρακλειδῶν ὑπάρχων, καὶ τὴν τοῦ φονευθέντοσ γυναῖκα Μερόπην ἄκουσαν ἔλαβεν. ἀνῃρέθη δὲ καὶ οὗτοσ. τρίτον γὰρ ἔχουσα παῖδα Μερόπη καλούμενον Αἴπυτον ἔδωκε τῷ ἑαυτῆσ πατρὶ τρέφειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Apollodorus, Library and Epitome, book 2, chapter 8 5:

(아폴로도로스, Library and Epitome, book 2, chapter 8 5:)

상위

목록

SEARCH

MENU NAVIGATION