Plato, Republic, book 1 377:

καὶ οὕτω πόρρω εἶ περί τε τοῦ δικαίου καὶ δικαιοσύνησ καὶ ἀδίκου τε καὶ ἀδικίασ, ὥστε ἀγνοεῖσ ὅτι ἡ μὲν δικαιοσύνη καὶ τὸ δίκαιον ἀλλότριον ἀγαθὸν τῷ ὄντι, τοῦ κρείττονόσ τε καὶ ἄρχοντοσ συμφέρον, οἰκεία δὲ τοῦ πειθομένου τε καὶ ὑπηρετοῦντοσ βλάβη, ἡ δὲ ἀδικία τοὐναντίον, καὶ ἄρχει τῶν ὡσ ἀληθῶσ εὐηθικῶν τε καὶ δικαίων, οἱ δ’ ἀρχόμενοι ποιοῦσιν τὸ ἐκείνου συμφέρον κρείττονοσ ὄντοσ, καὶ εὐδαίμονα ἐκεῖνον ποιοῦσιν ὑπηρετοῦντεσ αὐτῷ, ἑαυτοὺσ δὲ οὐδ’ ὁπωστιοῦν. σκοπεῖσθαι δέ, ὦ εὐηθέστατε Σώκρατεσ, οὑτωσὶ χρή, ὅτι δίκαιοσ ἀνὴρ ἀδίκου πανταχοῦ ἔλαττον ἔχει.