Unknown, Greek Anthology, Volume III, book 9, chapter 668

(작자 미상, Greek Anthology, Volume III, book 9, chapter 668)

εἰσ προάστειον ὀνομαζόμενον Ἔρωτα ἐν Ἀμασείᾳ ἦ καλὸν ἄλσοσ Ἔρωτοσ, ὅπου καλὰ δένδρεα ταῦτα πρηῢσ ἐπιπνείων ἀμφιδονεῖ Ζέφυροσ· ᾗχι καὶ ἑρσήεισ ἀμαρύσσεται ἄνθεσι λειμὼν, πουλὺν ἰοστεφάνων κόσμον ἀνεὶσ καλύκων καὶ γλυκερῆσ τρίστοιχοσ ἐπεμβαδὸν ἄλλοσ ἐπ’ ἄλλῳ μαστὸσ ἀναθλίβει χεύματα Ναϊάδοσ· ὁππόθι δενδρήεντα γέρων παρανήχεται Ἶρισ χῶρον, Ἁμαδρυάδων ἔνδιον ἁβροκόμων, καὶ λιπαρῆσ εὔβοτρυν ἀν’ ὀργάδα καρπὸσ ἐλαίησ θάλλει ἐρισταφύλων πάντοσε θειλοπέδων αἱ δὲ πέριξ λαλαγεῦσιν ἀηδόνεσ· ὃσ δὲ μελίζει ἀντῳδὸν τέττιξ φθέγματοσ ἁρμονίαν.

ἀλλὰ τὸν ἀκλήιστον ὅπωσ, ξένε, μή με παρέλθῃσ τόνδε δόμον, λιτῆσ δ’ ἀντίασον ξενίησ.

상위

Greek Anthology, Volume III

목록

일치하는 문장이 없습니다.

SEARCH

MENU NAVIGATION