호흡부호 보기
강세부호 보기
장단부호 보기
작은 Iota 보기
모든 부호 보기
τὸν πατρικὸν πλοῦτον νέοσ ὢν Θήρων ὁ Μενίππου αἰσχρῶσ εἰσ ἀκρατεῖσ ἐξέχεεν δαπάνασ· καί μιν δακρυχέων ἀνελάμβανε, καὶ πόσιν αὐτὸν θῆκε θυγατρὸσ ἑῆσ, πόλλ’ ἐπὶ μείλια δούσ. αὐτάρ ἐπεὶ Θήρωνα περὶ φρένασ ἤλυθε πλοῦτοσ, αὐτίκα ταῖσ αὐταῖσ ἐτρέφετ’ ἐν δαπάναισ, γαστρὶ χαριζόμενοσ πᾶσαν χάριν οὐ κατὰ κόσμον, τῇ θ’ ὑπὸ τὴν μιαρὰν γαστέρα μαργοσύνῃ. οὕτωσ μὲν Θήρωνα τὸ δεύτερον ἀμφεκάλυψεν οὐλομένησ πενίησ κῦμα παλιρρόθιον. Εὐκτήμων δ’ ἐδάκρυσε τὸ δεύτερον, οὐκέτι κεῖνον, ἀλλὰ θυγατρὸσ ἑῆσ προῖκά τε καὶ θάλαμον.
ἔγνω δ’ ὡσ οὐκ ἔστι κακῶσ κεχρημένον ἄνδρα τοῖσ ἰδίοισ εἶναι πιστὸν ἐν ἀλλοτρίοισ.
호흡부호 보기
강세부호 보기
장단부호 보기
작은 Iota 보기
모든 부호 보기