호흡부호 보기
강세부호 보기
장단부호 보기
작은 Iota 보기
모든 부호 보기
ἱμερόεισ Ἀλφειέ, Διὸσ στεφανηφόρον ὕδωρ, ὃσ διὰ Πισαίων πεδίων κεκονιμένοσ ἑρ́πεισ, ἡσύχιοσ τὸ πρῶτον, ἐπὴν δ’ ἐσ πόντον ἵκηαι, ὀξὺσ ἀμετρήτοιο πεσὼν ὑπὸ κῦμα θαλάσσησ, νυμφίοσ αὐτοκέλευθοσ ἑῶν ὀχετηγὸσ ἐρώτων, ἐσ Σικελὴν Ἀρέθουσαν ἐπείγεαι ὑγρὸσ ἀκοίτησ, ἡ δέ σε κεκμηῶτα καὶ ἀσθμαίνοντα λαβοῦσα, φῦκοσ ἀποσμήξασα καὶ ἄνθεα πικρὰ θαλάσσησ, χείλεα μὲν στομάτεσσι συνήρμοσεν· οἱᾶ δὲ νύμφη νυμφίον ἀμφιχυθεῖσα περίπλοκον ἡδέι δεσμῷ κείμενον ἐν κόλποισιν Ὀλύμπιον εὔνασεν ὕδωρ καὶ φονίᾐ ῥαθάμιγγι λιβὰσ κατεκίρνατο πηγή. οὐδὲ Συρακοσίησ ἔτι σοι μέλεν ἵμεροσ εὐνῆσ· πορφυρέᾐ δ’ ἀνέκοπτεσ ὕδωρ πεπιεσμένον αἰδοῖ, φειδόμενοσ καὶ πόντον ὁμοῦ καὶ λέκτρα μιῆναι.
πολλάκι δ’ εὐναίων ὀάρων βεβιημένοσ ὁρμῇ, αὐτὴν ἐσ φιλότητα χυτῆσ ἀλόχοιο περήσασ, ἑστήκεισ ἄχραντον ὁρῶν Ἀρεθούσιον ὕδωρ·
ἡ δέ σε παπταίνουσα Πελωριάδοσ κατὰ πέτρησ δάκρυσι κυμαίνοντα, κατοικτείρουσα καὶ αὐτὴ εὐειδὴσ Ἀρέθουσα φίλουσ ἀνεκόπτετο μαζούσ, καὶ δρόσοσ οἱᾶ ῥόδοισιν ἐτήκετο· μυρομένῳ δὲ Πισαίῳ ποταμῷ Σικελὴ προσεμύρετο πηγή.
Ἑλλάδοσ ἀμώων ἄγαμον στάχυν, ᾧ ἔπι πολλαὶ ἡρώων ἄλοχοι, μινυώρια τέκνα τεκοῦσαι μαψιδίωσ ὠδῖνασ ἀνεκλαύσαντο γυναῖκεσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기