호흡부호 보기
강세부호 보기
장단부호 보기
작은 Iota 보기
모든 부호 보기
Οὐτιδανοὶ μερόπων, εἰ καὶ μέγα ῥέξαμεν ἔργον, οὔτινοσ εἰσ μνήμην δηρὸν ἐπερχόμεθα· οἱ δ’ ἀγαθοί, κἢν μηδέν, ἀναπνεύσωσι δὲ μοῦνον, ὡσ Λίβυσ εἶπεν ἀνήρ, τοῦτ’ ἀδάμαντι μένει. δήποτε γὰρ Ζήνωνα πολισσοῦχον βασιλῆα, παίγνιον ἀφράστων ἐκτελέοντα κύβων, τοίη ποικιλότευκτοσ ἕλεν θέσισ, εὖτ’ ἀπὸ λευκοῦ, τοῦ καὶ ὀπισθιδίην εἰσ ὁδὸν ἐρχομένου, ἑπτὰ μὲν ἕκτοσ ἔχεν, μίαν εἴνατοσ· αὐτὰρ ὁ σοῦμμοσ δισσὰσ ἀμφιέπων ἶσοσ ἐήν δεκάτῳ· ὅσ τε πέλει μετὰ σοῦμμον ἔχεν δύο, μουνάδα δ’ ἄλλην ψῆφον τὴν πυμάτην ἀμφιέπεσκε δίβοσ.
ἀλλὰ μέλασ δισσὰσ μὲν ἐν ὀγδοάτῳ λίπε χώρῳ καὶ τόσσασ ἑτέρασ ἐσ θέσιν ἑνδεκάτην ἀμφὶ δυωδέκατον δὲ διέπρεπον εἴκελοι ἄλλαι, καὶ τρισκαιδεκάτῳ ψῆφοσ ἔκειτο μία· δίζυγεσ Ἀντίγονον διεκόσμεον ἀλλὰ καὶ αὐτῷ ἶσοσ ἔμιμνε τύποσ πεντεπικαιδεκάτῳ, ὀκτωκαιδεκάτῳ πανομοίιοσ·
εἰσέτι δ’ ἄλλασ εἶχεν διχθαδίασ τέτρατοσ ἐκ πυμάτου. δοιὰ καὶ ἓξ καὶ πέντε κατήγαγεν αὐτίκα δ’ ὀκτὼ ἄζυγασ εἶχεν ὅλασ πρόσθε μεριζομένασ, τάβλην φεύγετε πάντεσ, ἐπεὶ καὶ κοίρανοσ αὐτὸσ κείνησ τὰσ ἀλόγουσ οὐχ ὑπάλυξε τύχασ.
호흡부호 보기
강세부호 보기
장단부호 보기
작은 Iota 보기
모든 부호 보기