호흡부호 보기
강세부호 보기
장단부호 보기
작은 Iota 보기
모든 부호 보기
Ἀκρόστιχα εἰσ τὴν Ἰλιάδα κατὰ ῥαψῳδίαν ἄλφα λιτὰσ Χρύσου, λοιμὸν στρατοῦ, ἔχθοσ ἀνάκτων, βῆτα δ’ ὄνειρον ἔχει, ἀγορήν, καὶ νῆασ ἀριθμεῖ. γάμμα δ’ ἄρ’ ἀμφ’ Ἑλένησ οἰοίσ μόθοσ ἐστὶν ἀκοίταισ. Δέλτα θεῶν ἀγορή, ὁρ́κων χύσισ, ἄρεοσ ἀρχή. εἶ, βάλλει Κυθέρειαν Ἄρηά τε Τυδέοσ υἱόσ· ζῆτα δ’ ἄρ’ Ἀνδρομάχησ καὶ Ἕκτορόσ ἐστ’ ὀαριστύσ. ἦτα δ’, Αἰάσ πολέμιζε μόνῳ μόνοσ Ἕκτορι δίῳ. θῆτα, θεῶν ἀγορή, Τρώων κράτοσ, Ἕκτοροσ εὖχοσ. ἐξεσίη δ’ Ἀχιλῆοσ ἀπειθέοσ ἐστὶν Ιὦτα· κάππα δ’ ἄρ’ ἀμφοτέρων σκοπιαζέμεν ἢλυθον ἄνδρεσ.
λάμβδα δ’, ἀριστῆασ Δαναῶν βάλον Ἕκτοροσ ἄνδρεσ. Μῦ Τρώων παλάμῃσι κατήριπε τεῖχοσ Ἀχαιῶν. νῦ δέ, Ποσειδάων Δαναοῖσ κράτοσ ὤπασε λάθρῃ. Ξῖ, Κρονίδην λεχέεσσι σὺν ὕπνῳ τ’ ἤπαφεν Ἥρη. οὖ, Κρονίδησ κεχόλωτο Ποσειδάωνι καὶ Ἥρῃ.
πῖ, Πάτροκλον ἔπεφνεν ἀρήιον Ἕκτοροσ αἰχμή. ῥῶ, Δαναοὶ Τρῶέσ τε νέκυν πέρι χεῖρασ ἔμισγον. σῖγμα, Θέτισ Ἀχιλῆι παρ’ Ἡφαίστου φέρεν ὅπλα· ταῦ δ’, ἀπέληγε χόλοιο, καὶ ἔκθορε δῖοσ Ἀχιλλεύσ. ὗ, μακάρων ἔρισ ὦρτο, φέρει δ’ ἐπὶ κάρτοσ Ἀχαιοῖσ.
φῖ, κρατερῶσ κατὰ χεύματ’ ἐδάμνατο Τρῶασ Ἀχιλλεύσ. Χῖ δ’ ἄρα, τρὶσ περὶ τεῖχοσ ἄγων κτάνεν Ἕκτορ’ Ἀχιλλεύσ· Ψῖ, Δαναοῖσιν ἀγῶνα διδοὺσ ἐτέλεσσεν Ἀχιλλεύσ. ὦ, Πριάμῳ νέκυν υἱᾶ λαβὼν γέρα δῶκεν Ἀχιλλεύσ.
호흡부호 보기
강세부호 보기
장단부호 보기
작은 Iota 보기
모든 부호 보기