호흡부호 보기
강세부호 보기
장단부호 보기
작은 Iota 보기
모든 부호 보기
εἰσ τὸν οἶκον τὸν ἐπιλεγόμενον Χαλκῆν ἐν τῷ Παλατίῳ, ὃ ἔκτισε Ἀναστάσιοσ βασιλεύσ οἶκοσ Ἀναστασίοιο τυραννοφόνου βασιλῆοσ μοῦνοσ ὑπερτέλλω πανυπείροχοσ ἄστεσι γαίησ, θαῦμα φέρων πάντεσσιν, ἐπεὶ κοσμήτορεσ ἔργων ὕψοσ ὁμοῦ μῆκόσ τε καὶ ἄπλετον εὖροσ ἰδόντεσ, ἀσκεπὲσ ἐφράσσαντο πελώριον ἔργον ἐᾶσαι· ἀλλὰ πολυκμήτοιο λαχὼν πρεσβήϊα τέχνησ αἰθέριοσ πολύϊδρισ ἐμὴν τεχνήσατο μορφήν, ἀχράντῳ βασιλῆι φέρων πρωτάγρια μόχθων. ἔνθεν ἀπειρέσιον μέγεθοσ περὶ παντὶ τιταίνων, Αὐσονίησ νίκησα βοώμενα θαύματα γαίησ. εἶξον ἀρειοτέροισι, χάρισ Καπετωλίδοσ αὐλῆσ, εἰ καὶ χαλκείων ὀρόφων ἀμαρύγματα πέμπεισ·
κρύψον ἀμετρήτων μεγάρων στεινούμενον αὐλαῖσ, Πέργαμε, φαιδρὸν ἄγαλμα τεόν, Ῥουφίνιον ἄλσοσ· μηδὲ τανυπλεύροισιν ἀρηρότα, Κύζικε, πέτροισ Ἀδριανοῦ βασιλῆοσ ἀμεμφέα νηὸν ἀείσεισ.
οὔ μοι Πυραμίδων ἰκέλη κρίσισ, οὐδὲ Κολοσσοῦ, οὐδὲ Φάρου· μεγάλην μοῦνοσ δ’ ὑπερέδραμον ἴλην. χρυσοφαέσ μ’ ἐτέλεσσεν ἐδέθλιον Ἠριγενείησ, πάντῃ τετραπόρων ἀνέμων πεπετασμένον αὔραισ.
호흡부호 보기
강세부호 보기
장단부호 보기
작은 Iota 보기
모든 부호 보기