호흡부호 보기
강세부호 보기
장단부호 보기
작은 Iota 보기
모든 부호 보기
εἰσ τὰσ αὐτάσ οὐκ ἴδε Τερψιχόρην ὁ ζωγράφοσ, ἀλλ’ ὑπὸ τέχνασ ψεύδεται ὀφθαλμοὺσ δείκελον ἀτρεκίῃ. εἴ ποτε τερψινόοιο, φίλοσ, φόρμιγγοσ ἀκούσῃσ, τὴν Ἐρατὼ θαύμαζε τόσησ εἰδήμονα τέχνησ. Εὐτέρπη δονάκεσσι πολυτρήτοισι λιγαίνει, πνεῦμα σοφῆσ ὀχετηγὸν ἐπισπείρουσα μελίσσησ. κωμικὸν ἀμφιέπω Θάλεια μέλοσ, ἔργα δὲ φωτῶν οὐχ ὁσίων θυμέλῃσι φιλοκροτάλοισιν ἀθύρω. εἰκόνα σῆσ σοφίησ ποτιδέρκεο· Καλλιόπησ γὰρ εἰκόνα σῇ κραδίῃ λάμβανε τὴν σοφίην. Δαφνοκόμοισ Φοίβοιο παρὰ τριπόδεσσι πολεύω Κλειώ, μαντοσύνησ Μοῦσα καὶ ἱστορίησ.
Οὐρανίη ψήφοιο θεορρήτῳ τινὶ μέτρῳ ἀστρῴην ἐδίδαξα παλινδίνητον ἀνάγκην. σκέπτεο χαλκεόφωνον ἐπισπέρχουσαν ἀοιδὴν Μελπομένην, ἐρατῆσ ἵστορα εὐεπίησ.
σιγῶ, φθεγγομένη παλάμησ θελξίφρονα παλμόν, νεύματι φωνήεσσαν ἀπαγγέλλουσα σιωπήν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기