헬라어 문장 검색 - ΣτραβόΓεογραπ́11́05́

(스트라본, 지리학, Book 11, chapter 5)

ἐν δὲ τοῖσ ὑπὲρ τῆσ Ἀλβανίασ ὄρεσι καὶ τὰσ Ἀμαζόνασ οἰκεῖν φασι. Θεοφάνησ μὲν οὖν ὁ συστρατεύσασ τῷ Πομπηίῳ καὶ γενόμενοσ ἐν τοῖσ Ἀλβανοῖσ, μεταξὺ τῶν Ἀμαζόνων καὶ τῶν Ἀλβανῶν φησι Γήλασ οἰκεῖν καὶ Λήγασ Σκύθασ, καὶ ῥεῖν ἐνταῦθα τὸν Μερμάδαλιν ποταμὸν τούτων τε καὶ τῶν Ἀμαζόνων ἀνὰ μέσον. ἄλλοι δέ, ὧν καὶ ὁ Σκήψιοσ Μητρόδωροσ καὶ Ὑψικράτησ, οὐδὲ αὐτοὶ ἄπειροι τῶν τόπων γεγονότεσ, Γαργαρεῦσιν ὁμόρουσ αὐτὰσ οἰκεῖν φασιν ἐν ταῖσ ὑπωρείαισ ταῖσ πρὸσ ἄρκτον τῶν Καυκασίων ὀρῶν ἃ καλεῖται Κεραύνια, τὸν μὲν ἄλλον χρόνον καθ’ αὑτάσ, αὐτουργούσασ ἕκαστα τά τε πρὸσ ἄροτον καὶ φυτουργίαν καὶ τὰ πρὸσ τὰσ νομὰσ καὶ μάλιστα τῶν ἵππων, τὰσ δ’ ἀλκιμωτάτασ κυνηγεσίαισ πλεονάζειν καὶ τὰ πολέμια ἀσκεῖν· ἁπάσασ δ’ ἐπικεκαῦσθαι τὸν δεξιὸν μαστὸν ἐκ νηπίων, ὥστε εὐπετῶσ χρῆσθαι τῷ βραχίονι πρὸσ ἑκάστην χρείαν, ἐν δὲ τοῖσ πρώτοισ πρὸσ ἀκοντισμόν· χρῆσθαι δὲ καὶ τόξῳ καὶ σαγάρει καὶ πέλτῃ, δορὰσ δὲ θηρίων ποιεῖσθαι περίκρανά τε καὶ σκεπάσματα καὶ διαζώματα· δύο δὲ μῆνασ ἐξαιρέτουσ ἔχειν τοῦ ἐάροσ, καθ’ οὓσ ἀναβαίνουσιν εἰσ τὸ πλησίον ὄροσ τὸ διορίζον αὐτάσ τε καὶ τοὺσ Γαργαρέασ. ἀναβαίνουσι δὲ κἀκεῖνοι κατὰ ἔθοσ τι παλαιόν, συνθύσοντέσ τε καὶ συνεσόμενοι ταῖσ γυναιξὶ τεκνοποιίασ χάριν ἀφανῶσ τε καὶ ἐν σκότει, ὁ τυχὼν τῇ τυχούσῃ, ἐγκύμονασ δὲ ποιήσαντεσ ἀποπέμπουσιν· αἱ δ’ ὅ τι μὲν ἂν θῆλυ τέκωσι κατέχουσιν αὐταί, τὰ δ’ ἄρρενα κομίζουσιν ἐκείνοισ ἐκτρέφειν· ᾠκείωται δ’ ἕκαστοσ πρὸσ ἕκαστον νομίζων υἱὸν διὰ τὴν ἄγνοιαν. ὁ δὲ Μερμόδασ καταράττων ἀπὸ τῶν ὀρῶν διὰ τῆσ τῶν Ἀμαζόνων καὶ τῆσ Σιρακηνῆσ καὶ ὅση μεταξὺ ἔρημοσ, εἰσ τὴν Μαιῶτιν ἐκδίδωσι.

τοὺσ δὲ Γαργαρέασ συναναβῆναι μὲν ἐκ Θεμισκύρασ φασὶ ταῖσ Ἀμαζόσιν εἰσ τούσδε τοὺσ τόπουσ, εἶτ’ ἀποστάντασ αὐτῶν πολεμεῖν μετὰ Θρᾳκῶν καὶ Εὐβοέων τινῶν πλανηθέντων μέχρι δεῦρο πρὸσ αὐτάσ, ὕστερον δὲ καταλυσαμένουσ τὸν πρὸσ αὐτὰσ πόλεμον ἐπὶ τοῖσ λεχθεῖσι ποιήσασθαι συμβάσεισ, ὥστε τέκνων συγκοινωνεῖν μόνον, ζῆν δὲ καθ’ αὑτοὺσ ἑκατέρουσ. ἴδιον δέ τι συμβέβηκε τῷ λόγῳ τῷ περὶ τῶν Ἀμαζόνων·

οἱ μὲν γὰρ ἄλλοι τὸ μυθῶδεσ καὶ τὸ ἱστορικὸν διωρισμένον ἔχουσι· τὰ γὰρ παλαιὰ καὶ ψευδῆ καὶ τερατώδη μῦθοι καλοῦνται, ἡ δ’ ἱστορία βούλεται τἀληθέσ, ἄν τε παλαιὸν ἄν τε νέον, καὶ τὸ τερατῶδεσ ἢ οὐκ ἔχει ἢ σπάνιον· περὶ δὲ τῶν Ἀμαζόνων τὰ αὐτὰ λέγεται καὶ νῦν καὶ πάλαι, τερατώδη τε ὄντα καὶ πίστεωσ πόρρω. τίσ γὰρ ἂν πιστεύσειεν, ὡσ γυναικῶν στρατὸσ ἢ πόλισ ἢ ἔθνοσ συσταίη ἄν ποτε χωρὶσ ἀνδρῶν; καὶ οὐ μόνον γε συσταίη, ἀλλὰ καὶ ἐφόδουσ ποιήσαιτο ἐπὶ τὴν ἀλλοτρίαν καὶ κρατήσειεν οὐ τῶν ἐγγὺσ μόνον ὥστε καὶ μέχρι τῆσ νῦν Ιὠνίασ προελθεῖν, ἀλλὰ καὶ διαπόντιον στείλαιτο στρατείαν μέχρι τῆσ Ἀττικῆσ; τοῦτο γὰρ ὅμοιον ὡσ ἂν εἴ τισ λέγοι, τοὺσ μὲν ἄνδρασ γυναῖκασ γεγονέναι τοὺσ τότε τὰσ δὲ γυναῖκασ ἄνδρασ. ἀλλὰ μὴν ταῦτά γε αὐτὰ καὶ νῦν λέγεται περὶ αὐτῶν. ἐπιτείνει δὲ τὴν ἰδιότητα καὶ τὸ πιστεύεσθαι τὰ παλαιὰ μᾶλλον ἢ τὰ νῦν· κτίσεισ γοῦν πόλεων καὶ ἐπωνυμίαι λέγονται, καθάπερ Ἐφέσου καὶ Σμύρνησ καὶ Κύμησ καὶ Μυρίνησ, καὶ τάφοι καὶ ἄλλα ὑπομνήματα·

τὴν δὲ Θεμίσκυραν καὶ τὰ περὶ τὸν Θερμώδοντα πεδία καὶ τὰ ὑπερκείμενα ὄρη ἅπαντεσ Ἀμαζόνων καλοῦσι, καί φασιν ἐξελαθῆναι αὐτὰσ ἐνθένδε. ὅπου δὲ νῦν εἰσίν, ὀλίγοι τε καὶ ἀναποδείκτωσ καὶ ἀπίστωσ ἀποφαίνονται· καθάπερ καὶ περὶ Θαληστρίασ, ἣν Ἀλεξάνδρῳ συμμῖξαί φασιν ἐν τῇ Ὑρκανίᾳ καὶ συγγενέσθαι τεκνοποιίασ χάριν, δυναστεύουσαν τῶν Ἀμαζόνων· οὐ γὰρ ὁμολογεῖται τοῦτο· ἀλλὰ τῶν συγγραφέων τοσούτων ὄντων οἱ μάλιστα τῆσ ἀληθείασ φροντίσαντεσ οὐκ εἰρήκασιν, οὐδ’ οἱ πιστευόμενοι μάλιστα οὐδενὸσ μέμνηνται τοιούτου, οὐδ’ οἱ εἰπόντεσ τὰ αὐτὰ εἰρήκασι· Κλείταρχοσ δέ φησι τὴν Θαληστρίαν ἀπὸ Κασπίων πυλῶν καὶ Θερμώδοντοσ ὁρμηθεῖσαν ἐλθεῖν πρὸσ Ἀλέξανδρον· εἰσὶ δ’ ἀπὸ Κασπίασ εἰσ Θερμώδοντα στάδιοι πλείουσ ἑξακισχιλίων. καὶ τὰ πρὸσ τὸ ἔνδοξον θρυληθέντα οὐκ ἀνωμολόγηται παρὰ πάντων, οἱ δὲ πλάσαντεσ ἦσαν οἱ κολακείασ μᾶλλον ἢ ἀληθείασ φροντίζοντεσ·

χαριεῖσθαί τι τῷ βασιλεῖ ὑπέλαβον τοὔνομα τοῦ ὄρουσ μετενέγκαντεσ εἰσ τὴν Ἰνδικήν. οἱο͂ν τὸ τὸν Καύκασον μετενεγκεῖν εἰσ τὰ Ἰνδικὰ ὄρη καὶ τὴν πλησιάζουσαν ἐκείνοισ ἑῴαν θάλατταν ἀπὸ τῶν ὑπερκειμένων τῆσ Κολχίδοσ καὶ τοῦ Εὐξείνου ὀρῶν· ταῦτα γὰρ οἱ Ἕλληνεσ καὶ Καύκασον ὠνόμαζον, διέχοντα τῆσ Ἰνδικῆσ πλείουσ ἢ τρισμυρίουσ σταδίουσ, καὶ ἐνταῦθα ἐμύθευσαν τὰ περὶ Προμηθέα καὶ τὸν δεσμὸν αὐτοῦ· ταῦτα γὰρ τὰ ὕστατα πρὸσ ἑώ ἐγνώριζον οἱ τότε. ἡ δὲ ἐπὶ Ἰνδοὺσ στρατεία Διονύσου καὶ Ἡρακλέουσ ὑστερογενῆ τὴν μυθοποιίαν ἐμφαίνει, ἅτε τοῦ Ἡρακλέουσ καὶ τὸν Προμηθέα λῦσαι λεγομένου χιλιάσιν ἐτῶν ὕστερον. καὶ ἦν μὲν ἐνδοξότερον τὸ τὸν Ἀλέξανδρον μέχρι τῶν Ἰνδικῶν ὀρῶν καταστρέψασθαι τὴν Ἀσίαν ἢ μέχρι τοῦ μυχοῦ τοῦ Εὐξείνου καὶ τοῦ Καυκάσου· ἀλλ’ ἡ δόξα τοῦ ὄρουσ καὶ τοὔνομα καὶ τὸ τοὺσ περὶ Ιἄσονα δοκεῖν μακροτάτην στρατείαν τελέσαι τὴν μέχρι τῶν πλησίον Καυκάσου καὶ τὸ τὸν Προμηθέα παραδεδόσθαι δεδεμένον ἐπὶ τοῖσ ἐσχάτοισ τῆσ γῆσ ἐν τῷ Καυκάσῳ . . . τὰ μὲν οὖν ὑψηλότατα τοῦ ὄντωσ Καυκάσου τὰ νοτιώτατά ἐστι τὰ πρὸσ Ἀλβανίᾳ καὶ Ἰβηρίᾳ καὶ Κόλχοισ καὶ Ἡνιόχοισ·

οἰκοῦσι δὲ οὓσ εἶπον τοὺσ συνερχομένουσ εἰσ τὴν Διοσκουριάδα· συνέρχονται δὲ τὸ πλεῖστον ἁλῶν χάριν. τούτων δ’ οἱ μὲν τὰσ ἀκρωρείασ κατέχουσιν, οἱ δὲ ἐν νάπαισ αὐλίζονται καὶ ζῶσιν ἀπὸ θηρείων σαρκῶν τὸ πλέον καὶ καρπῶν ἀγρίων καὶ γάλακτοσ. αἱ δὲ κορυφαὶ χειμῶνοσ μὲν ἄβατοι, θέρουσ δὲ προσβαίνουσιν ὑποδούμενοι κεντρωτὰ ὠμοβόινα δίκην τυμπάνων πλατεῖα διὰ τὰσ χιόνασ καὶ τοὺσ κρυστάλλουσ. καταβαίνουσι δ’ ἐπὶ δορᾶσ κείμενοι σὺν τοῖσ φορτίοισ καὶ κατολισθαίνοντεσ, ὅπερ καὶ κατὰ τὴν Ἀτροπατίαν Μηδίαν καὶ κατὰ τὸ Μάσιον ὄροσ τὸ ἐν Ἀρμενίᾳ συμβαίνει· ἐνταῦθα δὲ καὶ τροχίσκοι ξύλινοι κεντρωτοὶ τοῖσ πέλμασιν ὑποτίθενται. τοῦ γοῦν Καυκάσου τὰ μὲν ἄκρα τοιαῦτα. καταβαίνοντι δ’ εἰσ τὰσ ὑπωρείασ ἀρκτικώτερα μέν ἐστι τὰ κλίματα, ἡμερώτερα δέ·

ἤδη γὰρ συνάπτει τοῖσ πεδίοισ τῶν Σιράκων. εἰσὶ δὲ καὶ τρωγλοδύται τινὲσ ἐν φωλεοῖσ οἰκοῦντεσ διὰ τὰ ψύχη, παρ’ οἷσ ἤδη καὶ ἀλφίτων ἐστὶν εὐπορία· μετὰ δὲ τοὺσ τρωγλοδύτασ καὶ χαμαικοῖται καὶ πολυφάγοι τινὲσ καλούμενοι καὶ αἱ τῶν Εἰσαδίκων κῶμαι, δυναμένων γεωργεῖν διὰ τὸ μὴ παντελῶσ ὑποπεπτωκέναι ταῖσ ἄρκτοισ. οἱ δ’ ἐφεξῆσ ἤδη νομάδεσ οἱ μεταξὺ τῆσ Μαιώτιδοσ καὶ τῆσ Κασπίασ Ναβιανοὶ καὶ Πανξανοὶ καὶ ἤδη τὰ τῶν Σιράκων καὶ Αὄρσων φῦλα.

δοκοῦσι δ’ οἱ Αὄρσοι καὶ οἱ Σίρακεσ φυγάδεσ εἶναι τῶν ἀνωτέρω . . . καὶ προσάρκτιοι μᾶλλον Αὄρσων. Ἀβέακοσ μὲν οὖν ὁ τῶν Σιράκων βασιλεύσ, ἡνίκα Φαρνάκησ τὸν Βόσπορον εἶχε, δύο μυριάδασ ἱππέων ἔστελλε, Σπαδίνησ δ’ ὁ τῶν Αὄρσων καὶ εἴκοσιν, οἱ δὲ ἄνω Αὄρσοι καὶ πλείονασ· καὶ γὰρ ἐπεκράτουν πλείονοσ γῆσ καὶ σχεδόν τι τῆσ Κασπίων παραλίασ τῆσ πλείστησ ἦρχον, ὥστε καὶ ἐνεπορεύοντο καμήλοισ τὸν Ἰνδικὸν φόρτον καὶ τὸν Βαβυλώνιον παρά τε Ἀρμενίων καὶ Μήδων διαδεχόμενοι· ἐχρυσοφόρουν δὲ διὰ τὴν εὐπορίαν. οἱ μὲν οὖν Αὄρσοι τὸν Τάναϊν παροικοῦσιν, οἱ Σίρακεσ δὲ τὸν Ἀχαρδέον, ὃσ ἐκ τοῦ Καυκάσου ῥέων ἐκδίδωσιν εἰσ τὴν Μαιῶτιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 5

(스트라본, 지리학, Book 11, chapter 5)

상위

목록

SEARCH

MENU NAVIGATION