헬라어 문장 검색 - ΠολψβίΗιστορί30́025́

(폴리비오스, Histories, book 30, iii. res asiae)

Ὁ δ’ αὐτὸσ οὗτοσ βασιλεὺσ ἀκούσασ τοὺσ ἐν τῇ Μακεδονίᾳ συντετελεσμένουσ ἀγῶνασ ὑπὸ Αἰμιλίου Παύλου τοῦ Ῥωμαίων στρατηγοῦ, βουλόμενοσ τῇ μεγαλοδωρίᾳ ὑπερᾶραι τὸν Παῦλον ἐξέπεμψε πρέσβεισ καὶ θεωροὺσ εἰσ τὰσ πόλεισ καταγγελοῦντασ τοὺσ ἐσομένουσ ἀγῶνασ ὑπ’ αὐτοῦ ἐπὶ Δάφνησ, ὡσ πολλὴν γενέσθαι τῶν Ἑλλήνων σπουδὴν εἰσ τὴν ὡσ αὐτὸν ἄφιξιν. ἀρχὴν δ’ ἐποιήσατο τῆσ πανηγύρεωσ τὴν πομπείαν οὕτωσ ἐπιτελεσθεῖσαν.

καθηγοῦντό τινεσ Ῥωμαϊκὸν ἔχοντεσ καθοπλισμὸν ἐν θώραξιν ἁλυσιδωτοῖσ, ἄνδρεσ ἀκμάζοντεσ ταῖσ ἡλικίαισ πεντακισχίλιοι·

μεθ’ οὓσ Μυσοὶ πεντακισχίλιοι. συνεχεῖσ δ’ ἦσαν Κίλικεσ εἰσ τὸν τῶν εὐζώνων τρόπον καθωπλισμένοι τρισχίλιοι, χρυσοῦσ ἔχοντεσ στεφάνουσ.

ἐπὶ δὲ τούτοισ Θρᾷκεσ τρισχίλιοι καὶ Γαλάται πεντακισχίλιοι.

τούτοισ ἐπέβαλλον Μακεδόνεσ δισμύριοι καὶ χαλκάσπιδεσ πεντακισχίλιοι, ἄλλοι δὲ ἀργυράσπιδεσ, οἷσ ἐπηκολούθει μονομάχων ζεύγη διακόσια τετταράκοντα. τούτων κατόπιν ἦσαν ἱππεῖσ Νισαῖοι μὲν χίλιοι πολιτικοὶ δὲ τρισχίλιοι, ὧν οἱ μὲν πλείουσ ἦσαν χρυσοφάλαροι καὶ χρυσοστέφανοι, οἱ δ’ ἄλλοι ἀργυροφάλαροι.

μετὰ δὲ τούτουσ ἦσαν οἱ λεγόμενοι Ἑταῖροι ἱππεῖσ·

οὗτοι δὲ ἦσαν εἰσ χιλίουσ, πάντεσ χρυσοφάλαροι. τούτοισ συνεχὲσ ἦν τὸ τῶν φίλων σύνταγμα, ἴσον καὶ κατὰ τὸ πλῆθοσ καὶ κατὰ τὸν κόσμον. ἐπὶ δὲ τούτοισ ἐπίλεκτοι χίλιοι, οἷσ ἐπηκολούθει τὸ καλούμενον ἄγημα, κράτιστον εἶναι δοκοῦν σύστημα τῶν ἱππέων, περὶ χιλίουσ.

τελευταία δ’ ἦν ἡ κατάφρακτοσ ἵπποσ, οἰκείωσ τῇ προσηγορίᾳ τῶν ἵππων καὶ τῶν ἀνδρῶν ἐσκεπασμένων τοῖσ ὅπλοισ·

ἦσαν δὲ καὶ αὐτοὶ χίλιοι καὶ πεντακόσιοι. πάντεσ δ’ οἱ προειρημένοι εἶχον πορφυρᾶσ ἐφαπτίδασ, πολλοὶ δὲ καὶ διαχρύσουσ καὶ ζῳωτάσ.

ἐπὶ δὲ τούτοισ ἕξιππα μὲν ἦν ἑκατόν, τέθριππα δὲ τετταράκοντα, ἔπειτα ἐλεφάντων ἁρ́μα καὶ συνωρίσ.

καθ’ ἕνα δὲ εἵποντο ἐλέφαντεσ διεσκευασμένοι τριάκοντα καὶ ἕξ. Τὴν δ’ ἄλλην πομπὴν λέγειν ἐστὶ δυσέφικτον, ὡσ ἐν κεφαλαίῳ δὲ λεκτέον. ἔφηβοι μὲν γὰρ ἐπόμπευσαν εἰσ ὀκτακοσίουσ, χρυσοῦσ ἔχοντεσ στεφάνουσ, βόεσ δ’ εὐτραφεῖσ περὶ χιλίουσ, θεωρίδεσ δὲ βραχὺ λείπουσαι τριακοσίων, ἐλεφάντων δὲ ὀδόντεσ ὀκτακόσιοι.

τὸ δὲ τῶν ἀγαλμάτων πλῆθοσ οὐ δυνατὸν ἐξηγήσασθαι·

πάντων γὰρ τῶν παρ’ ἀνθρώποισ λεγομένων ἢ νομιζομένων θεῶν ἢ δαιμόνων, προσέτι δὲ ἡρώων εἴδωλα διήγετο, τὰ μὲν κεχρυσωμένα, τὰ δ’ ἠμφιεσμένα στολαῖσ διαχρύσοισ. καὶ πᾶσι τούτοισ οἱ προσήκοντεσ μῦθοι κατὰ τὰσ παραδεδομένασ ἱστορίασ ἐν διασκευαῖσ πολυτελέσι παρέκειντο.

εἵπετο δ’ αὐτοῖσ καὶ Νυκτὸσ εἴδωλον καὶ Ἡμέρασ, Γῆσ τε καὶ Οὐρανοῦ, καὶ Ηοὖσ καὶ Μεσημβρίασ.

τὸ δὲ τῶν χρυσωμάτων καὶ ἀργυρωμάτων πλῆθοσ οὕτωσ ἄν τισ ὑπονοήσειεν ὅσον ἦν·

ἑνὸσ γὰρ τῶν φίλων, Διονυσίου τοῦ ἐπιστολιαγράφου, χίλιοι παῖδεσ ἐπόμπευσαν ἀργυρώματα ἔχοντεσ, ὧν οὐδὲν ἐλάττον’ ὁλκὴν εἶχεν δραχμῶν χιλίων. βασιλικοὶ δὲ παῖδεσ παρῆλθον ἑξακόσιοι χρυσώματα ἔχοντεσ.

ἔπειτα γυναῖκεσ ἐκ χρυσῶν καλπίδων μύροισ ἔρραινον, εἰσ διακοσίασ. ταύταισ δ’ ἑξῆσ ἐπόμπευον ἐν χρυσόποσι μὲν φορείοισ ὀγδοήκοντα γυναῖκεσ, ἐν ἀργυρόποσι δὲ πεντακόσιαι καθήμεναι, πολυτελῶσ διεσκευασμέναι.

καὶ τῆσ μὲν πομπῆσ τὰ ἐπιφανέστατα ταῦτα ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, iii. res asiae

(폴리비오스, Histories, book 30, iii. res asiae)

상위

목록

SEARCH

MENU NAVIGATION