헬라어 문장 검색 - ΠολψβίΗιστορί30́022́

(폴리비오스, Histories, book 30, chapter 22)

Λεύκιοσ δὲ Ἀνίκιοσ, καὶ αὐτὸσ Ῥωμαίων στρατηγήσασ, Ἰλλυριοὺσ καταπολεμήσασ καὶ αἰχμάλωτον ἀγαγὼν Γένθιον τὸν τῶν Ἰλλυριῶν βασιλέα σὺν τοῖσ τέκνοισ, ἀγῶνασ ἐπιτελῶν τοὺσ ἐπινικίουσ ἐν τῇ Ῥώμῃ παντὸσ γέλωτοσ ἄξια πράγματα ἐποίησεν, ὡσ Πολύβιοσ ἱστορεῖ ἐν τῇ τριακοστῇ. μεταπεμψάμενοσ γὰρ τοὺσ ἐκ τῆσ Ἑλλάδοσ ἐπιφανεστάτουσ τεχνίτασ καὶ σκηνὴν κατασκευάσασ μεγίστην ἐν τῷ κίρκῳ πρώτουσ εἰσῆγεν αὐλητὰσ ἅμα πάντασ.

οὗτοι δ’ ἦσαν Θεόδωροσ ὁ Βοιώτιοσ, Θεόπομποσ, Ἕρμιπποσ, [ὁ] Λυσίμαχοσ, οἵτινεσ ἐπιφανέστατοι ἦσαν.

τούτουσ οὖν στήσασ ἐπὶ τὸ προσκήνιον μετὰ τοῦ χοροῦ αὐλεῖν ἐκέλευσεν ἅμα πάντασ.

τῶν δὲ διαπορευομένων τὰσ κρούσεισ μετὰ τῆσ ἁρμοζούσησ κινήσεωσ προσπέμψασ οὐκ ἔφη καλῶσ αὐτοὺσ αὐλεῖν, ἀλλ’ ἀγωνίζεσθαι μᾶλλον ἐκέλευσεν.

τῶν δὲ διαπορούντων ὑπέδειξέν τισ τῶν ῥαβδούχων ἐπιστρέψαντασ ἐπαγαγεῖν ἐφ’ αὑτοὺσ καὶ ποιεῖν ὡσανεὶ μάχην.

ταχὺ δὲ συννοήσαντεσ οἱ αὐληταὶ καὶ λαβόντεσ οἰκείαν ταῖσ ἑαυτῶν ἀσελγείαισ μεγάλην ἐποίησαν σύγχυσιν.

συνεπιστρέψαντεσ δὲ τοὺσ μέσουσ χοροὺσ πρὸσ τοὺσ ἄκρουσ οἱ μὲν αὐληταὶ φυσῶντεσ ἀδιανόητα καὶ διαφέροντεσ τοὺσ αὐλοὺσ ἐπῆγον ἀνὰ μέροσ ἐπ’ ἀλλήλουσ.

ἅμα δὲ τούτοισ ἐπικτυποῦντεσ οἱ χοροὶ καὶ συνεπεισιόντεσ τὴν σκηνὴν ἐπεφέροντο τοῖσ ἐναντίοισ καὶ πάλιν ἀνεχώρουν ἐκ μεταβολῆσ.

ὡσ δὲ καὶ περιζωσάμενόσ τισ τῶν χορευτῶν ἐκ τοῦ καιροῦ στραφεὶσ ἦρε τὰσ χεῖρασ ἀπὸ πυγμῆσ πρὸσ τὸν ἐπιφερόμενον αὐλητήν, τότ’ ἤδη κρότοσ ἐξαίσιοσ ἐγένετο καὶ κραυγὴ τῶν θεωμένων.

ἔτι δὲ τούτων ἐκ παρατάξεωσ ἀγωνιζομένων ὀρχησταὶ δύο εἰσήγοντο μετὰ συμφωνίασ εἰσ τὴν ὀρχήστραν, καὶ πύκται τέτταρεσ ἀνέβησαν ἐπὶ τὴν σκηνὴν μετὰ σαλπιγκτῶν καὶ βυκανιστῶν.

ὁμοῦ δὲ τούτων πάντων ἀγωνιζομένων ἄλεκτον ἦν τὸ συμβαῖνον.

περὶ δὲ τῶν τραγῳδῶν, φησὶν ὁ Πολύβιοσ, ὅ,τι ἂν ἐπιβάλωμαι λέγειν, δόξω τισὶ διαχλευάζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 22

(폴리비오스, Histories, book 30, chapter 22)

상위

목록

SEARCH

MENU NAVIGATION