헬라어 문장 검색 - ΠολψβίΗιστορί30́019́

(폴리비오스, Histories, book 30, chapter 19)

Ἤδη δὲ τούτου τὰσ ἀποκρίσεισ εἰληφότοσ, προσέπεσε παραγίνεσθαι τὸν Εὐμένη. τοῦτο δὲ τὸ πρᾶγμα πολλὴν ἀπορίαν παρέσχε τοῖσ ἐν τῷ συνεδρίῳ·

διαβεβλημένοι γὰρ πρὸσ αὐτὸν καὶ διαλήψεισ ἀμεταθέτουσ ἔχοντεσ οὐκ ἐβούλοντο κατ’ οὐδένα τρόπον ἐμφανίζειν αὑτούσ. εἰ δὲ δουλεύοντεσ τῇ τῶν ἐκτὸσ φαντασίᾳ φιλανθρώπωσ ἀποκριθεῖεν, παρόψεσθαι τὴν ἀλήθειαν καὶ τὸ τῇ πατρίδι συμφέρον.

διόπερ ἐξ ἑκατέρασ τῆσ ἀποφάσεωσ μέλλοντοσ ἀπιθάνου τινὸσ αὐτοῖσ ἐξακολουθήσειν, εὑρ́οντο λύσιν τοῦ προβλήματοσ τοιαύτην.

ὡσ γὰρ καθόλου δυσαρεστούμενοι ταῖσ τῶν βασιλέων ἐπιδημίαισ δόγμα τι τοιοῦτον ἐξέβαλον, μηδένα βασιλέα παραγίνεσθαι πρὸσ αὑτούσ.

μετὰ δὲ ταῦτα πυθόμενοι τὸν Εὐμένη καταπεπλευκέναι τῆσ Ἰταλίασ εἰσ Βρεντέσιον ἐπαπέστειλαν τὸν ταμίαν φέροντα τὸ δόγμα καὶ κελεύσοντα λέγειν πρὸσ αὑτόν, εἴ τι τυγχάνει τῆσ συγκλήτου χρείαν ἔχων·

εἰ δὲ μηδενὸσ δεῖται, παραγγελοῦντα τὴν ταχίστην αὐτὸν ἐκ τῆσ Ἰταλίασ ἀπαλλάττεσθαι.

ὁ δὲ βασιλεύσ, συμμίξαντοσ αὐτῷ τοῦ ταμίου, γνοὺσ τὴν τῆσ συγκλήτου προαίρεσιν εἰσ τέλοσ ἀπεσιώπησεν, οὐδενὸσ φήσασ προσδεῖσθαι.

καὶ δὴ τούτῳ τῷ τρόπῳ συνέβη τὸν Εὐμένη κωλυθῆναι τῆσ εἰσ τὴν Ῥώμην ἀναβάσεωσ.

συνηκολουθήκει δὲ καὶ ἕτερόν τι πραγματικὸν τούτῳ τῷ διαβουλίῳ.

μεγάλου γὰρ ὑπὸ τῶν Γαλατῶν ἐπικρεμαμένου κινδύνου τῇ βασιλείᾳ, προφανὲσ ἦν ὅτι διὰ τὸν σκυβαλισμὸν τοῦτον οἱ μὲν τοῦ βασιλέωσ σύμμαχοι ταπεινωθήσονται πάντεσ, οἱ δὲ Γαλάται διπλασίωσ ἐπιρρωσθήσονται πρὸσ τὸν πόλεμον.

διὸ πάντῃ πάντωσ βουλόμενοι ταπεινοῦν αὐτὸν ἐπὶ ταύτην κατηνέχθησαν τὴν γνώμην.

τούτων δὲ γινομένων ἔτι κατ’ ἀρχὰσ τοῦ χειμῶνοσ, λοιπὸν ἡ σύγκλητοσ ἅπασιν τοῖσ παραγεγονόσι κατὰ πρεσβείαν·

οὐ γὰρ ἦν οὔτε πόλισ οὔτε δυνάστησ οὔτε βασιλεὺσ ὃσ οὐκ ἀπεστάλκει πρεσβείαν κατ’ ἐκεῖνον τὸν καιρὸν τὴν συγχαρησομένην ἐπὶ τοῖσ γεγονόσιν·

οἷσ ἅπασιν οἰκείωσ ἀπήντησε καὶ φιλανθρώπωσ πλὴν τῶν Ῥοδίων.

τούτουσ δὲ παρέπεμπε ποικίλασ ἐμφάσεισ ποιοῦσα περὶ τοῦ μέλλοντοσ.

ἐπείχετο δὲ καὶ τὰ κατὰ τοὺσ Ἀθηναίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 19

(폴리비오스, Histories, book 30, chapter 19)

상위

목록

SEARCH

MENU NAVIGATION