헬라어 문장 검색 - ΠολψβίΗιστορί15́038́

(폴리비오스, Histories, book 15, chapter 36)

οὐχ ἥκιστα δὲ καὶ διὰ τὸ πάσασ τὰσ ἐκπληκτικὰσ περιπετείασ μίαν ἔχειν φαντασίαν τὴν πρώτην ἀξίαν ἐπιστάσεωσ, τὸ δὲ λοιπὸν οὐ μόνον ἀνωφελῆ γίνεσθαι τὴν ἀκρόασιν καὶ θέαν αὐτῶν, ἀλλὰ καὶ μετά τινοσ ὀχλήσεωσ ἐπιτελεῖσθαι τὴν ἐνέργειαν τῶν τοιούτων. δυεῖν γὰρ ὑπαρχόντων τελῶν, ὠφελείασ καὶ τέρψεωσ, πρὸσ ἃ δεῖ τὴν ἀναφορὰν ποιεῖσθαι τοὺσ διὰ τῆσ ἀκοῆσ ἢ διὰ τῆσ ὁράσεωσ βουλομένουσ τι πολυπραγμονεῖν, καὶ μάλιστα τῷ τῆσ ἱστορίασ γένει τούτου καθήκοντοσ, ἀμφοτέρων τούτων ὁ πλεονασμὸσ ὑπὲρ τῶν ἐκπληκτικῶν συμπτωμάτων ἐκτὸσ πίπτει.

ζηλοῦν μὲν γὰρ τίσ ἂν βουληθείη τὰσ παραλόγουσ περιπετείασ;

οὐδὲ μὴν θεώμενοσ οὐδ’ ἀκούων ἥδεται συνεχῶσ οὐδεὶσ τῶν παρὰ φύσιν γενομένων πραγμάτων καὶ παρὰ τὴν κοινὴν ἔννοιαν τῶν ἀνθρώπων. ἀλλ’ εἰσάπαξ μὲν καὶ πρῶτον σπουδάζομεν ἃ μὲν ἰδεῖν, ἃ δ’ ἀκοῦσαι, χάριν τοῦ γνῶναι τὸ μὴ δοκοῦν δυνατὸν εἶναι διότι δυνατόν ἐστιν·

ὅταν δὲ πιστεύωμεν, οὐδεὶσ τοῖσ παρὰ φύσιν ἐγχρονίζων εὐδοκεῖ·

τῷ δ’ αὐτῷ πλεονάκισ ἐγκυρεῖν οὐδ’ ὅλωσ ἂν βουληθείη. διόπερ ἢ ζηλωτὸν εἶναι δεῖ τὸ λεγόμενον ἢ τερπνόν·

ὁ δὲ τῆσ ἐκτὸσ τούτων συμφορᾶσ πλεονασμὸσ οἰκειότερόν ἐστι τραγῳδίασ ἤπερ ἱστορίασ. ἀλλ’ ἴσωσ ἀναγκαῖόν ἐστι συγγνώμην ἔχειν τοῖσ μὴ συνεφιστάνουσι μήτ’ ἐπὶ τὰ τῆσ φύσεωσ μήτ’ ἐπὶ τὰ καθόλου κατὰ τῆσ οἰκουμένησ πράγματα·

δοκεῖ γὰρ αὐτοῖσ ταῦτ’ εἶναι μέγιστα καὶ θαυμαστότατα τῶν προγεγονότων οἷσ ἂν αὐτοὶ παρατυχόντεσ ἐγκυρήσωσιν ἢ πυθόμενοι παρά τινων πρὸσ αὐτὰ ταῦτα προσέχωσι τὸν νοῦν.

διὸ καὶ λανθάνουσι πλείω τοῦ καθήκοντοσ διατιθέμενοι λόγον ὑπὲρ τῶν μήτε καινῶν ὄντων διὰ τὸ καὶ ἑτέροισ πρότερον εἰρῆσθαι μήτ’ ὠφελεῖν μήτε τέρπειν δυναμένων.

περὶ μὲν οὖν τούτων ἐπὶ τοσοῦτον ἡμῖν εἰρήσθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 36

(폴리비오스, Histories, book 15, chapter 36)

상위

목록

SEARCH

MENU NAVIGATION