Polybius, Histories, book 15, chapter 19

(폴리비오스, Histories, book 15, chapter 19)

Ταῦτα μὲν οὖν ὁ στρατηγὸσ εἶπε τῶν Ῥωμαίων τοῖσ πρεσβευταῖσ· οἱ δ’ ἀκούσαντεσ ἠπείγοντο καὶ διεσάφουν τοῖσ ἐν τῇ πατρίδι. καθ’ ὃν δὴ καιρὸν λέγεται, μέλλοντόσ τινοσ τῶν ἐκ τῆσ γερουσίασ ἀντιλέγειν τοῖσ προτεινομένοισ καὶ καταρχομένου, προελθόντα τὸν Ἀννίβαν κατασπάσαι τὸν ἄνθρωπον ἀπὸ τοῦ βήματοσ.

τῶν δὲ λοιπῶν ἐξοργισθέντων διὰ τὸ παρὰ τὴν συνήθειαν αὐτὸν τοῦτο πρᾶξαι, πάλιν τὸν Ἀννίβαν ἀναστάντα φασὶν ἀγνοεῖν μὲν ὁμολογῆσαι, δεῖν δὲ συγγνώμην ἔχειν, εἴ τι παρὰ τοὺσ ἐθισμοὺσ πράττει, γινώσκοντασ ὅτι τὴν μὲν ἔξοδον ἐκ τῆσ πατρίδοσ ἐνναέτησ ὢν ποιήσαιτο, πλείω δὲ τῶν πέντε καὶ τετταράκοντ’ ἐτῶν ἔχων εἰσ αὐτὴν ἐπανήκει.

διόπερ ἠξίου μὴ τοῦτο σκοπεῖν, εἴ τι παραπέπαικε τῆσ συνηθείασ, πολὺ δὲ μᾶλλον, εἰ τοῖσ τῆσ πατρίδοσ πράγμασιν ἀληθινῶσ συμπάσχει·

διὰ γὰρ ταῦτα καὶ νῦν εἰσ τὴν ἀλογίαν ἐμπεπτωκένει ταύτην. θαυμαστὸν γὰρ αὐτῷ φανῆναι καὶ τελέωσ ἐξηλλαγμένον, εἴ τισ ὑπάρχων Καρχηδόνιοσ καὶ συνειδὼσ τὰ βεβουλευμένα καὶ κοινῇ τῇ πατρίδι καὶ κατ’ ἰδίαν ἑκάστοισ ἡμῶν κατὰ Ῥωμαίων οὐ προσκυνεῖ τὴν τύχην, εἰ γεγονὼσ ὑποχείριοσ τοιούτων τυγχάνει φιλανθρώπων·

οὓσ εἴ τισ ὀλίγαισ πρότερον ἡμέραισ ἤρετο πόσ’ ἐλπίζουσι πείσεσθαι τὴν πατρίδα κρατησάντων Ῥωμαίων, οὐδ’ ἂν εἰπεῖν οἱοῖ́ τ’ ἦσαν διὰ τὸ μέγεθοσ καὶ τὴν ὑπερβολὴν τῶν προφαινομένων αὐτοῖσ κακῶν.

διόπερ ἠξίου καὶ νῦν μηδ’ ἐπὶ λόγον ἄγειν, ἀλλ’ ὁμοθυμαδὸν δεξαμένουσ τὰ προτεινόμενα θύειν τοῖσ θεοῖσ, καὶ πάντασ εὔχεσθαι βεβαιῶσαι ταῦτα τὸν δῆμον τῶν Ῥωμαίων.

φανέντοσ δὲ φρονίμωσ αὐτοῦ καὶ τοῖσ καιροῖσ οἰκείωσ συμβουλεύειν, ἔδοξε ποιεῖσθαι τὰσ συνθήκασ ἐπὶ τοῖσ προειρημένοισ.

καὶ τὸ μὲν συνέδριον παραυτίκα πρεσβευτὰσ ἐξέπεμπε τοὺσ ἀνθομολογησομένουσ ὑπὲρ τούτων.

일치하는 문장이 없습니다.

SEARCH

MENU NAVIGATION