헬라어 문장 검색 - ΠολψβίΗιστορί15́035́

(폴리비오스, Histories, book 15, chapter 33)

Τοῦ δὲ ποιεῖν αἷμα καὶ φόνουσ ἐγένετό τισ ἐκ ταὐτομάτου καταρχὴ τοιαύτη. τῶν γὰρ Ἀγαθοκλέουσ ὑπηρετῶν καὶ κολάκων τισ ὄνομα Φίλων ἐξῆλθε κραιπαλῶν εἰσ τὸ στάδιον.

οὗτοσ θεωρῶν τὴν ὁρμὴν τῶν ὄχλων εἶπε πρὸσ τοὺσ παρεστῶτασ ὅτι πάλιν αὐτοῖσ, καθάπερ καὶ πρῴην, ἐὰν Ἀγαθοκλῆσ ἐξέλθῃ, μεταμελήσει.

τῶν δ’ ἀκουσάντων οἱ μὲν ἀπελοιδόρουν αὐτόν, οἱ δὲ προώθουν.

ἐπιβαλομένου δ’ ἀμύνεσθαι ταχέωσ οἱ μὲν τὴν χλαμύδα περιέρρηξαν, οἱ δὲ τὰσ λόγχασ προσερείσαντεσ ἐξεκέντησαν. ἅμα δὲ τῷ τοῦτον εἰσ τὸ μέσον ἑλκυσθῆναι μεθ’ ὕβρεωσ ἔτι σπαίροντα, καὶ γεύσασθαι τὰ πλήθη φόνου, πάντεσ ἐκαραδόκουν τὴν τῶν ἄλλων παρουσίαν.

μετ’ οὐ πολὺ δὲ παρῆν ἀγόμενοσ πρῶτοσ Ἀγαθοκλῆσ δέσμιοσ·

ὃν εὐθέωσ εἰσιόντα προσδραμόντεσ τινὲσ ἄφνω συνεκέντησαν, ἔργον ποιοῦντεσ οὐκ ἐχθρῶν, ἀλλ’ εὐνοούντων· αἴτιοι γὰρ ἐγένοντο τοῦ μὴ τυχεῖν αὐτὸν τῆσ ἁρμοζούσησ καταστροφῆσ· εἶτ’ Ἀγαθόκλεια γυμνὴ σὺν ταῖσ ἀδελφαῖσ, ἑξῆσ δὲ τούτοισ πάντεσ οἱ συγγενεῖσ.

ἐπὶ δὲ πᾶσιν ἐκ τοῦ Θεσμοφορείου τὴν Οἰνάνθην ἀποσπάσαντεσ ἧκον εἰσ τὸ στάδιον, ἄγοντεσ γυμνὴν ἐφ’ ἵππου.

παραδοθέντων δὲ πάντων ὁμοῦ τοῖσ ὄχλοισ, οἱ μὲν ἔδακνον, οἱ δ’ ἐκέντουν, οἱ δὲ τοὺσ ὀφθαλμοὺσ ἐξέκοπτον·

ἀεὶ δὲ τοῦ πεσόντοσ τὰ μέλη διέσπων, ἑώσ ὅτου κατελώβησαν πάντασ αὐτούσ· δεινὴ γάρ τισ ἡ περὶ τοὺσ θυμοὺσ ὠμότησ γίνεται τῶν κατὰ τὴν Αἴγυπτον ἀνθρώπων.

καὶ βιασάμεναι τὸν μὲν Φιλάμμωνα τύπτουσαι τοῖσ λίθοισ καὶ τοῖσ ξύλοισ ἀπέκτειναν, τὸν δ’ υἱὸν ἀπέπνιξαν, ἀντίπαιδα τὴν ἡλικίαν ὄντα, σὺν δὲ τούτοισ τὴν γυναῖκα τοῦ Φιλάμμωνοσ γυμνὴν εἰσ τὴν πλατεῖαν ἐξέλκουσαι διέφθειραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 33

(폴리비오스, Histories, book 15, chapter 33)

상위

목록

SEARCH

MENU NAVIGATION