Polybius, Histories, book 15, chapter 6

(폴리비오스, Histories, book 15, chapter 6)

ὑδρείαν ἐντὸσ βέλουσ ποιησάμενοσ. κἀντεῦθεν ἐξέπεμψε πρὸσ τὸν τῶν Καρχηδονίων στρατηγόν, φάσκων ἕτοιμοσ εἶναι συμπορεύεσθαι πρὸσ αὐτὸν εἰσ λόγουσ. ὧν ἀκούσασ Ἀννίβασ ἀνέζευξε, καὶ συνεγγίσασ, ὥστε μὴ πλεῖον ἀπέχειν τριάκοντα σταδίων, κατεστρατοπέδευσε πρόσ τινα λόφον, ὃσ τὰ μὲν λοιπὰ πρὸσ τὸν παρόντα καιρὸν ὀρθῶσ ἔχειν ἐδόκει, τὴν δ’ ὑδρείαν ἀπωτέρω μικρὸν εἶχε·

κατὰ δὲ τὴν ἑξῆσ ἡμέραν προῆλθον ἀπὸ τῆσ ἰδίασ παρεμβολῆσ ἀμφότεροι μετ’ ὀλίγων ἱππέων, κἄπειτα χωρισθέντεσ ἀπὸ τούτων αὐτοὶ συνῆλθον εἰσ τὸ μέσον ἔχοντεσ ἑρμηνέα μεθ’ αὑτῶν.

δεξιωσάμενοσ δὲ πρῶτοσ Ἀννίβασ ἤρξατο λέγειν ὡσ ἐβούλετο μὲν ἂν μήτε Ῥωμαίουσ ἐπιθυμῆσαι μηδέποτε μηδενὸσ τῶν ἐκτὸσ Ἰταλίασ μήτε Καρχηδονίουσ τῶν ἐκτὸσ Λιβύησ·

ἀμφοτέροισ γὰρ εἶναι ταύτασ καὶ καλλίστασ δυναστείασ καὶ συλλήβδην ὡσ ἂν εἰ περιωρισμένασ ὑπὸ τῆσ φύσεωσ.

λοιπόν ἐστιν, εἴ πωσ δυνάμεθα δι’ αὑτῶν παραιτησάμενοι τοὺσ θεοὺσ διαλύσασθαι τὴν ἐνεστῶσαν φιλοτιμίαν.

일치하는 문장이 없습니다.

SEARCH

MENU NAVIGATION