Polybius, Histories, book 15, chapter 13

(폴리비오스, Histories, book 15, chapter 13)

τῷ δὲ τῆσ συντάξεωσ ἀκριβεῖ καὶ τῷ καθοπλισμῷ πιστεύοντεσ οἱ Ῥωμαῖοι μᾶλλον ἐπέβαινον εἰσ τὸ πρόσθεν. πέρασ ἐνέκλιναν οἱ βάρβαροι, καὶ δόξαντεσ ἐγκαταλείπεσθαι προφανῶσ ὑπὸ τῶν ἰδίων, ἐπιπεσόντεσ κατὰ τὴν ἀποχώρησιν εἰσ τοὺσ ἐφεστῶτασ ἔκτεινον τούτουσ.

ὃ καὶ πολλοὺσ ἠνάγκασε τῶν Καρχηδονίων ἀνδρωδῶσ ἀποθανεῖν·

φονευόμενοι γὰρ ὑπὸ τῶν μισθοφόρων ἐμάχοντο παρὰ τὴν αὑτῶν προαίρεσιν ἅμα πρόσ τε τοὺσ ἰδίουσ καὶ πρὸσ τοὺσ Ῥωμαίουσ. ποιούμενοι δὲ τὸν κίνδυνον ἐκστατικῶσ καὶ παρηλλαγμένωσ οὐκ ὀλίγουσ διέφθειραν καὶ τῶν ἰδίων καὶ τῶν ὑπεναντίων.

καὶ δὴ τῷ τοιούτῳ τρόπῳ συνέχεαν ἐπιπεσόντεσ τὰσ τῶν ἁστάτων σημαίασ·

οἱ μέντοι τῶν πριγκίπων ἡγεμόνεσ συνθεασάμενοι τὸ γεγονὸσ ἐπέστησαν τὰσ αὑτῶν τάξεισ. τῶν δὲ μισθοφόρων καὶ τῶν Καρχηδονίων τὸ πλεῖστον μέροσ τὸ μὲν ὑφ’ αὑτῶν, τὸ δ’ ὑπὸ τῶν ἁστάτων αὐτοῦ κατεκόπη.

τοὺσ δὲ διασῳζομένουσ καὶ φεύγοντασ οὐκ εἰάσε καταμιγῆναι ταῖσ δυνάμεσιν Ἀννίβασ, ἀλλὰ προβαλέσθαι παραγγείλασ τοῖσ ἐπιστάταισ ἐκώλυσε μὴ παραδέξασθαι τοὺσ ἐγγίζοντασ.

일치하는 문장이 없습니다.

SEARCH

MENU NAVIGATION