Polybius, Histories, book 15, ii. res macedoniae et graeciae

(폴리비오스, Histories, book 15, ii. res macedoniae et graeciae)

οὐδ’ οὖν, καθάπερ οἱ τύραννοι, βραχεῖαν δή τινα προβαλλόμενοι τῆσ αἰσχύνησ πρόφασιν, ἀλλ’ ἐξ αὐτῆσ ἀνέδην καὶ θηριωδῶσ οὕτωσ ὥστε προσοφλεῖν τὸν λεγόμενον τῶν ἰχθύων βίον, ἐν οἷσ φασιν ὁμοφύλοισ οὖσι τὴν τοῦ μείονοσ ἀπώλειαν τῷ μείζονι τροφὴν γίνεσθαι καὶ βίον. ἐξ ὧν τίσ οὐκ ἂν ἐμβλέψασ οἱο͂ν εἰσ κάτοπτρον εἰσ τὴν συνθήκην ταύτην αὐτόπτησ δόξειε γίνεσθαι τῆσ πρὸσ τοὺσ θεοὺσ ἀσεβείασ καὶ τῆσ πρὸσ τοὺσ ἀνθρώπουσ ὠμότητοσ, ἔτι δὲ τῆσ ὑπερβαλλούσησ πλεονεξίασ τῶν προειρημένων βασιλέων;

οὐ μὴν ἀλλὰ τίσ οὐκ ἂν εἰκότωσ τῇ τύχῃ μεμψάμενοσ ἐπὶ τῶν ἀνθρωπείων πραγμάτων ἐν τούτοισ ἀντικαταλλαγείη, διότι ἐκείνοισ μὲν ἐπέθηκε μετὰ ταῦτα τὴν ἁρμόζουσαν δίκην, τοῖσ δ’ ἐπιγενομένοισ ἐξέθηκε κάλλιστον ὑπόδειγμα πρὸσ ἐπανόρθωσιν τὸν τῶν προειρημένων βασιλέων παραδειγματισμόν;

ἔτι γὰρ αὐτῶν παρασπονδούντων μὲν ἀλλήλουσ, διασπωμένων δὲ τὴν τοῦ παιδὸσ ἀρχήν, ἐπιστήσασα Ῥωμαίουσ, ἁκεῖνοι κατὰ τῶν πέλασ ἐβουλεύσαντο παρανόμωσ, ταῦτα κατ’ ἐκείνων δικαίωσ ἐκύρωσε καὶ καθηκόντωσ.

παραυτίκα γὰρ ἑκάτεροι διὰ τῶν ὅπλων ἡττηθέντεσ οὐ μόνον ἐκωλύθησαν τῆσ τῶν ἀλλοτρίων ἐπιθυμίασ, ἀλλὰ καὶ συγκλεισθέντεσ εἰσ φόρουσ ὑπέμειναν Ῥωμαίοισ τὸ προσταττόμενον ποιεῖν.

τὸ τελευταῖον ἐν πάνυ βραχεῖ χρόνῳ τὴν μὲν Πτολεμαίου βασιλείαν ἡ τύχη διώρθωσε, τὰσ δὲ τούτων δυναστείασ καὶ τοὺσ διαδόχουσ τοὺσ μὲν ἄρδην ἀναστάτουσ ἐποίησε καὶ πανωλέθρουσ, τοὺσ δὲ μικροῦ δεῖν τοῖσ αὐτοῖσ περιέβαλε συμπτώμασι.

일치하는 문장이 없습니다.

SEARCH

MENU NAVIGATION