헬라어 문장 검색 - ΠολψβίΗιστορί15́031́

(폴리비오스, Histories, book 15, chapter 29)

λιστ’ ἔφη καὶ προσδεῖσθαι τῶν καταρξομένων. οἱ δὲ Μακεδόνεσ ἀκούσαντεσ τούτων παροξύνονται, καὶ πέρασ ἐπείσθησαν τῷ Μοιραγένει, καὶ πρώτασ μὲν εὐθέωσ ἐπῄεσαν τὰσ τῶν Μακεδόνων σκηνάσ, μετὰ δὲ ταῦτα τὰσ τῶν ἄλλων στρατιωτῶν· εἰσὶ δ’ αὗται συνεχεῖσ, πρὸσ ἓν μέροσ ἀπονενευκυῖαι τῆσ πόλεωσ.

οὔσησ δὲ τῆσ μὲν ὁρμῆσ πάλαι προχείρου τῆσ τῶν πολλῶν, προσδεομένησ δὲ τοῦ προκαλεσομένου μόνον καὶ τολμήσοντοσ, ἅμα τῷ λαβεῖν ἀρχὴν τὸ πρᾶγμα ταχέωσ οἱο͂ν εἰ πῦρ ἐξέλαμψεν.

οὐ γὰρ ἐγενήθησαν ὡρ͂αι τέτταρεσ καὶ πάντα τὰ γένη συμπεφωνήκει καὶ τὰ στρατιωτικὰ καὶ τὰ πολιτικὰ πρὸσ τὴν ἐπίθεσιν.

συνήργησε γὰρ μεγάλα καὶ ταὐτόματον ἐν τῷ καιρῷ τούτῳ πρὸσ τὴν συντέλειαν.

οὕτωσ ἐξέστη τῶν φρενῶν ὥστ’ ἀφέμενοσ τοῦ πράττειν τι καὶ διανοεῖσθαι περὶ τῶν προσπεπτωκότων ἀπῆλθε κατὰ τὸν εἰθισμένον καιρὸν εἰσ τὸν πότον, κἀκεῖ κατὰ τὴν εἰθισμένην ἀγωγὴν ἐπετέλει τὴν συνουσίαν.

ἡ δ’ Οἰνάνθη περικακοῦσα παρῆν εἰσ τὸ Θεσμοφορεῖον, ἀνεῳγμένου τοῦ νεὼ διά τινα θυσίαν ἐπέτειον.

καὶ τὸ μὲν πρῶτον ἐλιπάρει γονυπετοῦσα καὶ μαγγανεύουσα πρὸσ τὰσ θεάσ, μετὰ δὲ ταῦτα καθίσασα πρὸσ τὸν βωμὸν εἶχε τὴν ἡσυχίαν.

αἱ μὲν οὖν πολλαὶ τῶν γυναικῶν, ἡδέωσ ὁρῶσαι τὴν δυσθυμίαν καὶ περικάκησιν αὐτῆσ, ἀπεσιώπων· αἱ δὲ τοῦ Πολυκράτουσ συγγενεῖσ καί τινεσ ἕτεραι τῶν ἐνδόξων, ἀδήλου τῆσ περιστάσεωσ αὐταῖσ ἀκμὴν ὑπαρχούσησ, προσελθοῦσαι παρεμυθοῦντο τὴν Οἰνάνθην.

ἡ δ’ ἀναβοήσασα μεγάλῃ τῇ φωνῇ "Μή μοι πρόσιτέ" φησι "θηρία·

καλῶσ γὰρ ὑμᾶσ γινώσκω, διότι καὶ φρονεῖθ’ ἡμῖν ἐναντία καὶ ταῖσ θεαῖσ εὔχεσθε τὰ δυσχερέστατα καθ’ ἡμῶν. .

καὶ ταῦτ’ εἰποῦσα ταῖσ ῥαβδούχοισ ἀνείργειν προσέταξε καὶ παίειν τὰσ μὴ πειθαρχούσασ. αἱ δ’ ἐπιλαβόμεναι τῆσ προφάσεωσ ταύτησ ἀπηλλάττοντο πᾶσαι, τοῖσ θεοῖσ ἀνίσχουσαι τὰσ χεῖρασ καὶ καταρώμεναι λαβεῖν αὐτὴν ἐκείνην πεῖραν τούτων, ἃ κατὰ τῶν πέλασ ἐπανετείνετο πράξειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 29

(폴리비오스, Histories, book 15, chapter 29)

상위

목록

SEARCH

MENU NAVIGATION