헬라어 문장 검색 - ΠολψβίΗιστορί15́030́

(폴리비오스, Histories, book 15, chapter 28)

περὶ δὲ τὸν Μοιραγένην ἄφατον ἦν καὶ παράλογον τὸ συμβαῖνον. οἱ μὲν γὰρ μόνον οὐ διατεταμένοι τὰσ μάστιγασ παρέστασαν, οἱ δὲ πρὸ ποδῶν αὐτοῦ τὰ πρὸσ ἀνάγκασ ὄργανα διεσκεύαζον·

τοῦ δὲ Νικοστράτου παραχωρήσαντοσ ἕστασαν ἀχανεῖσ πάντεσ, ἐμβλέποντεσ ἀλλήλοισ, προσδοκῶντεσ ἀεί ποτε τὸν προειρημένον ἀνακάμψειν.

χρόνου δὲ γινομένου κατὰ βραχὺ διέρρεον οἱ παρεστῶτεσ, τέλοσ δ’ ὁ Μοιραγένησ ἀπελείφθη.

καὶ μετὰ ταῦτα διελθὼν τὴν αὐλὴν ἀνελπίστωσ παρέπεσε γυμνὸσ εἴσ τινα σκηνὴν τῶν Μακεδόνων, σύνεγγυσ κειμένην τῆσ αὐλῆσ. καταλαβὼν δὲ κατὰ τύχην ἀριστῶντασ καὶ συνηθροισμένουσ, ἔλεγε τὰ περὶ αὑτὸν συμβεβηκότα καὶ τὸ παράλογον τῆσ σωτηρίασ.

οἱ δὲ τὰ μὲν ἠπίστουν, τὰ δὲ πάλιν ὁρῶντεσ αὐτὸν γυμνὸν ἠναγκάζοντο πιστεύειν.

ἐκ δὲ ταύτησ τῆσ περιπετείασ ὅ τε Μοιραγένησ μετὰ δακρύων ἐδεῖτο τῶν Μακεδόνων μὴ μόνον τῆσ αὑτοῦ συνεπιλαβέσθαι σωτηρίασ, ἀλλὰ καὶ τῆσ τοῦ βασιλέωσ, καὶ μάλιστα τῆσ σφῶν αὐτῶν·

πρόδηλον γὰρ εἶναι πᾶσι τὸν ὄλεθρον, ἐὰν μὴ συνάψωνται τοῦ καιροῦ, καθ’ ὃν ἀκμάζει τὸ τῶν πολλῶν μῖσοσ καὶ πᾶσ ἕτοιμόσ ἐστι πρὸσ τὴν κατ’ Ἀγαθοκλέουσ τιμωρίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 28

(폴리비오스, Histories, book 15, chapter 28)

상위

목록

SEARCH

MENU NAVIGATION