헬라어 문장 검색 - ΠολψβίΗιστορί15́029́

(폴리비오스, Histories, book 15, chapter 27)

τοὺσ περὶ τὸν Τληπόλεμον. ἐγένετο δέ τι καὶ ἐξ αὐτῶν τῶν περὶ τὸν Ἀγαθοκλέα συνέργημα πρὸσ τὸ τὴν ὀργὴν ἐπιτεῖναι τήν τε τῶν πολλῶν καὶ τὴν τοῦ Τληπολέμου· τὴν γὰρ Δανάην, ἥτισ ἦν πενθερὰ τοῦ προειρημένου, λαβόντεσ ἐκ τοῦ τῆσ Δήμητροσ ἱεροῦ καὶ διὰ μέσου τῆσ πόλεωσ ἑλκύσαντεσ ἀκατακάλυπτον εἰσ φυλακὴν ἀπέθεντο, βουλόμενοι φανερὰν ποιεῖν τὴν πρὸσ τὸν Τληπόλεμον διαφοράν.

ἐφ’ οἷσ τὸ πλῆθοσ ἀγανακτοῦν οὐκέτι κατ’ ἰδίαν οὐδὲ δι’ ἀπορρήτων ἐποιεῖτο τοὺσ λόγουσ, ἀλλ’ οἱ μὲν τὰσ νύκτασ εἰσ πάντα τόπον ἐπέγραφον, οἱ δὲ τὰσ ἡμέρασ συστρεφόμενοι κατὰ μέρη φανερῶσ ἐξέφερον ἤδη τὸ μῖσοσ εἰσ τοὺσ προεστῶτασ.

Οἱ δὲ περὶ τὸν Ἀγαθοκλέα βλέποντεσ τὰ συμβαίνοντα, καὶ μοχθηρὰσ ἐλπίδασ ἔχοντεσ περὶ αὑτῶν, τοτὲ μὲν ἐγίνοντο περὶ δρασμόν, οὐδενὸσ δ’ αὐτοῖσ ἡτοιμασμένου πρὸσ τοῦτο τὸ μέροσ διὰ τὴν σφετέραν ἀβουλίαν ἀφίσταντο τῆσ ἐπιβολῆσ·

τοτὲ δὲ συνωμότασ κατέγραφον καὶ κοινωνοὺσ τῆσ τόλμησ, ὡσ αὐτίκα μάλα τῶν ἐχθρῶν τοὺσ μὲν κατασφάξοντεσ, τοὺσ δὲ συλληψόμενοι, μετὰ δὲ ταῦτα τυραννικὴν ἐξουσίαν περιποιησόμενοι.

ταῦτα δ’ αὐτῶν διανοουμένων προσέπεσε διαβολὴ κατά τινοσ Μοιραγένουσ, ἑνὸσ τῶν σωματοφυλάκων, διότι μηνύοι πάντα τῷ Τληπολέμῳ καὶ συνεργοίη διὰ τὴν πρὸσ Ἀδαῖον οἰκειότητα τὸν ἐπὶ τῆσ Βουβαστοῦ τότε καθεσταμένον.

ὁ δ’ Ἀγαθοκλῆσ εὐθέωσ συνέταξε Νικοστράτῳ τῷ πρὸσ τοῖσ γράμμασι τεταγμένῳ συλλαβόντι τὸν Μοιραγένη φιλοτίμωσ ἐξετάσαι, πᾶσαν προτιθέντα βάσανον.

οὗτοσ μὲν οὖν παραχρῆμα συλληφθεὶσ ὑπὸ τοῦ Νικοστράτου καὶ παραχθεὶσ εἴσ τινα μέρη τῆσ αὐλῆσ ἀποκεχωρηκότα, τὸ μὲν πρῶτον ἐξ ὀρθῆσ ἀνεκρίνετο περὶ τῶν προσπεπτωκότων, πρὸσ οὐδὲν δὲ τῶν λεγομένων ἀνθομολογούμενοσ ἐξεδύθη·

καὶ τινὲσ μὲν τὰ πρὸσ τὰσ βασάνουσ ὄργανα διεσκεύαζον, οἱ δὲ τὰσ μάστιγασ ἔχοντεσ μετὰ χεῖρασ ἀπεδύοντο τὰσ χλαμύδασ.

κατὰ δὲ τὸν καιρὸν τοῦτον προστρέχει τισ τῶν ὑπηρετῶν πρὸσ τὸν Νικόστρατον, καὶ ψιθυρίσασ πρὸσ τὴν ἀκοὴν ἅττα δήποτ’ οὖν ἀπηλλάττετο μετὰ σπουδῆσ.

λέγων μὲν οὐδέν, τύπτων δὲ συνεχῶσ τὸν μηρόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 27

(폴리비오스, Histories, book 15, chapter 27)

상위

목록

SEARCH

MENU NAVIGATION