헬라어 문장 검색 - ΠολψβίΗιστορί15́015́

(폴리비오스, Histories, book 15, chapter 15)

Ἡ μὲν οὖν ἐπὶ πᾶσι γενομένη μάχη καὶ τὰ ὅλα κρίνασα Ῥωμαίοισ διὰ τῶν προειρημένων ἡγεμόνων τοιοῦτον ἔσχε τὸ τέλοσ· μετὰ δὲ τὴν μάχην Πόπλιοσ μὲν ἐπακολουθήσασ καὶ διαρπάσασ τὸν χάρακα τῶν Καρχηδονίων αὖτισ ἀνεχώρησεν εἰσ τὴν ἰδίαν παρεμβολήν.

Ἀννίβασ δὲ μετ’ ὀλίγων ἱππέων κατὰ τὸ συνεχὲσ ποιούμενοσ τὴν ἀναχώρησιν εἰσ Ἀδρύμητα διεσώθη, πάντα τὰ δυνατὰ ποιήσασ κατὰ τὸν κίνδυνον, ὅσα τὸν ἀγαθὸν ἔδει στρατηγὸν καὶ πολλῶν ἤδη πραγμάτων πεῖραν εἰληφότα.

πρῶτον μὲν γὰρ εἰσ λόγουσ συνελθὼν ἐπειράθη δι’ αὑτοῦ λύσιν ποιήσασθαι τῶν ἐνεστώτων·

τοῦτο δ’ ἐστὶ τοῦ προειδότοσ τὰ κατορθώματα, ἀλλ’ ἀπιστοῦντοσ τῇ τύχῃ καὶ προορωμένου τὰ περὶ τὰσ μάχασ ἐκβαίνοντα παράλογα.

μετὰ δὲ ταῦτα συγκαταστὰσ εἰσ τὸν κίνδυνον οὕτωσ ἐχρήσατο τοῖσ πράγμασιν ὥστε μὴ δυνατὸν εἶναι βέλτιον πρὸσ Ῥωμαίουσ ἀγῶνα συστήσασθαι, παραπλησίῳ καθοπλισμῷ χρώμενον, οὗ τότε συνεστήσατ’ Ἀννίβασ.

οὔσησ γὰρ δυσδιασπάστου τῆσ Ῥωμαίων τάξεωσ καὶ δυνάμεωσ, τὸν ἄνδρα συνέβη καὶ καθόλου καὶ κατὰ μέρη μάχεσθαι πρὸσ πάσασ τὰσ ἐπιφανείασ διὰ τῆσ μιᾶσ ἐκτάξεωσ, ἀεὶ τῶν ἔγγιστα τῷ δεινῷ σημαιῶν συνεπιστρεφουσῶν πρὸσ τὸ δεόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 15

(폴리비오스, Histories, book 15, chapter 15)

상위

목록

SEARCH

MENU NAVIGATION