헬라어 문장 검색 - ΠολψβίΗιστορί15́008́

(폴리비오스, Histories, book 15, chapter 8)

Ἀννίβασ μὲν οὖν ταῦτ’ εἶπεν. ὁ δὲ Πόπλιοσ ὑπολαβὼν οὔτε τοῦ περὶ Σικελίασ ἔφη πολέμου Ῥωμαίουσ οὔτε τοῦ περὶ τῆσ Ἰβηρίασ αἰτίουσ γεγονέναι, Καρχηδονίουσ δὲ προφανῶσ· ὑπὲρ ὧν κάλλιστα γινώσκειν αὐτὸν τὸν Ἀννίβαν.

μάρτυρασ δὲ καὶ τοὺσ θεοὺσ γεγονέναι τούτων, περιθέντασ τὸ κράτοσ οὐ τοῖσ ἄρχουσι χειρῶν ἀδίκων, ἀλλὰ τοῖσ ἀμυνομένοισ. βλέπειν δὲ καὶ τὰ τῆσ τύχησ οὐδενὸσ ἧττον καὶ τῶν ἀνθρωπίνων στοχάζεσθαι κατὰ δύναμιν.

ἀλλ’ εἰ μὲν πρὸ τοῦ τοὺσ Ῥωμαίουσ διαβαίνειν εἰσ Λιβύην αὐτὸσ ἐξ Ἰταλίασ ἐκχωρήσασ προύτεινασ τὰσ διαλύσεισ ταύτασ, οὐκ ἂν οἰόμαί σε διαψευσθῆναι τῆσ ἐλπίδοσ.

ἐπεὶ δὲ σὺ μὲν ἄκων ἐκ τῆσ Ἰταλίασ ἀπηλλάγησ, ἡμεῖσ δὲ διαβάντεσ εἰσ τὴν Λιβύην τῶν ὑπαίθρων ἐκρατήσαμεν, δῆλον ὡσ μεγάλην εἴληφε τὰ πράγματα παραλλαγήν.

τὸ δὲ δὴ μέγιστον ἤλθομεν ἐπὶ τί πέρασ;

ἡττηθέντων καὶ δεηθέντων τῶν παρὰ σοῦ πολιτῶν ἐθέμεθα συνθήκασ ἐγγράπτουσ, ἐν αἷσ ἦν πρὸσ τοῖσ ὑπὸ σοῦ νῦν προτεινομένοισ τοὺσ αἰχμαλώτουσ ἀποδοῦναι χωρὶσ λύτρων Καρχηδονίουσ, τῶν πλοίων παραχωρῆσαι τῶν καταφράκτων, πεντακισχίλια τάλαντα προσενεγκεῖν, ὅμηρα δοῦναι περὶ τούτων.

ταῦτ’ ἦν ἃ συνεθέμεθα πρὸσ ἀλλήλουσ·

ὑπὲρ τούτων ἐπρεσβεύσαμεν ἀμφότεροι πρόσ τε τὴν σύγκλητον τὴν ἡμετέραν καὶ πρὸσ τὸν δῆμον, ἡμεῖσ μὲν ὁμολογοῦντεσ εὐδοκεῖν τοῖσ γεγραμμένοισ, Καρχηδόνιοι δὲ δεόμενοι τούτων τυχεῖν. ἐπείσθη τὸ συνέδριον τούτοισ, ὁ δὲ δῆμοσ συγκατῄνεσε. τυχόντεσ ὧν ἠξίουν ἠθέτησαν ταῦτα Καρχηδόνιοι, παρασπονδήσαντεσ ἡμᾶσ.

τί λείπεται ποιεῖν;

σὺ τὴν ἐμὴν χώραν μεταλαβὼν εἶπον.

ἀφελεῖν τὰ βαρύτατα τῶν ὑποκειμένων ἐπιταγμάτων; ἵνα δὴ λαβόντεσ ἆθλα τῆσ παρανομίασ διδαχθῶσι τοὺσ εὖ ποιοῦντασ εἰσ τὸ λοιπὸν παρασπονδεῖν· ἀλλ’ ἵνα τυχόντεσ ὧν ἀξιοῦσι χάριν ὀφείλωσιν ἡμῖν; ἀλλὰ νυνὶ μεθ’ ἱκετηρίασ τυχόντεσ ὧν παρεκάλουν, ὅτι βραχείασ ἐλπίδοσ ἐπελάβοντο τῆσ κατὰ σέ, παρὰ πόδασ ὡσ ἐχθροῖσ ἡμῖν κέχρηνται καὶ πολεμίοισ.

ἐν οἷσ βαρυτέρου μέν τινοσ προσεπιταχθέντοσ δυνατὸν ἀνενεγκεῖν τῷ δήμῳ περὶ διαλύσεωσ, ὑφαίρεσιν δὲ ποιουμένοισ τῶν ὑποκειμένων οὐδ’ ἀναφορὰν ἔχει τὸ διαβούλιον.

τί πέρασ οὖν πάλιν τῶν ἡμετέρων λόγων;

ἢ τὴν ἐπιτροπὴν ὑμᾶσ διδόναι περὶ σφῶν αὐτῶν καὶ τῆσ πατρίδοσ ἢ μαχομένουσ νικᾶν".

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 8

(폴리비오스, Histories, book 15, chapter 8)

상위

목록

SEARCH

MENU NAVIGATION