헬라어 문장 검색 - ΠολψβίΗιστορί15́001́

(폴리비오스, Histories, book 15, i. res italiae et africae)

ἔτι δὲ βαρύτερον ἐπὶ τῷ παραβεβηκέναι τοὺσ ὁρ́κουσ καὶ τὰσ συνθήκασ τοὺσ Καρχηδονίουσ καὶ πάλιν ἐξ ἄλλησ ἀρχῆσ ἐγείρεσθαι τὸν πόλεμον. διὸ καὶ παραυτίκα προχειρισάμενοσ πρεσβευτὰσ Λεύκιον Σέργιον καὶ Λεύκιον Βαίβιον καὶ Λεύκιον Φάβιον ἐξαπέστειλε διαλεξομένουσ τοῖσ Καρχηδονίοισ ὑπὲρ τῶν γεγονότων, ἅμα δὲ καὶ δηλώσοντασ ὅτι κεκύρωκε τὰσ συνθήκασ ὁ δῆμοσ τῶν Ῥωμαίων·

ἄρτι γὰρ ἧκε τῷ Ποπλίῳ γράμματα διασαφοῦντα περὶ τῶν προειρημένων.

ἀλλὰ καὶ πεσόντεσ ἐπὶ τὴν γῆν ἀγεννῶσ τοὺσ πόδασ καταφιλοῖεν τῶν ἐν τῷ συνεδρίῳ, μετὰ δὲ ταῦτα πάλιν ἀναστάντεσ [ὡσ] κατηγορήσαιεν σφῶν αὐτῶν, διότι καὶ τὰσ ἐξ ἀρχῆσ γενομένασ συνθήκασ Ῥωμαίοισ καὶ Καρχηδονίοισ ἀθετήσαιεν αὐτοί.

διόπερ ἔφασαν οὐκ ἀγνοεῖν ὅτι πᾶν εἰκότωσ ἂν πάθοιεν ὑπὸ Ῥωμαίων, ἀλλὰ τῆσ τύχησ ἕνεκα τῶν ἀνθρώπων ἐδέοντο μηδὲν παθεῖν ἀνήκεστον·

ἔσεσθαι γὰρ τὴν σφετέραν ἀβουλίαν ἀπόδειξιν τῆσ Ῥωμαίων καλοκἀγαθίασ. ὧν μνημονεύοντα τὸν στρατηγὸν ἔφασαν [τὸν] αὐτὸν οἱ πρέσβεισ καὶ τοὺσ ἐν τῷ συνεδρίῳ τότε γεγονότασ ἐκπλήττεσθαι, τίνι ποτὲ πιστεύοντεσ ἐπελανθάνοντο μὲν τῶν τότε ῥηθέντων, ἀθετεῖν δὲ τολμῶσι τοὺσ ὁρ́κουσ καὶ τὰσ συνθήκασ.

σχεδὸν δὲ τοῦτ’ εἶναι δῆλον ὡσ Ἀννίβᾳ πεποιθότεσ καὶ ταῖσ μετὰ τούτου παρούσαισ δυνάμεσι ταῦτα τολμῶσι ποιεῖν, κακῶσ φρονοῦντεσ·

σαφῶσ γὰρ εἰδέναι πάντασ ὅτι ἐκεῖνοι δεύτερον ἔτοσ ἤδη φεύγοντεσ ἐκ πάσησ Ἰταλίασ εἰσ τοὺσ περὶ Λακίνιον τόπουσ, κἀκεῖ συγκεκλεισμένοι καὶ μόνον οὐ πολιορκούμενοι, μόλισ ἑαυτοὺσ ἐκσεσωκότεσ ἥκουσι νῦν.

"οὐ μὴν ἀλλ’ εἰ καὶ νενικηκότεσ τοὺσ ἐκεῖ παρῆσαν, καὶ πρὸσ ἡμᾶσ ἔμελλον διακινδυνεύειν τοὺσ δυσὶ μάχαισ ἑξῆσ ὑμᾶσ ἤδη νενικηκότασ, ὅμωσ ἀμφιδόξουσ ἔχειν ἔδει τὰσ ἐλπίδασ ὑπὲρ τοῦ μέλλοντοσ, καὶ μὴ μόνον τοῦ νικᾶν ἔννοιαν λαμβάνειν, ἀλλὰ καὶ τοῦ σφαλῆναι πάλιν.

οὗ συμβάντοσ ποίουσ ἐπικαλέσεσθε" ἔφη "θεούσ; ποίοισ δὲ χρώμενοι λόγοισ τὸν ἐκ τῶν κρατούντων ἔλεον ἐπισπάσεσθε πρὸσ τὰσ ἑαυτῶν συμφοράσ;

πάσησ εἰκὸσ ὑμᾶσ ἐλπίδοσ ἀποκλεισθήσεσθαι καὶ παρὰ θεῶν καὶ παρ’ ἀνθρώπων διὰ τὴν ἀθεσίαν καὶ τὴν ἀβουλίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, i. res italiae et africae

(폴리비오스, Histories, book 15, i. res italiae et africae)

상위

목록

SEARCH

MENU NAVIGATION