헬라어 문장 검색 - ΠολψβίΗιστορί12́042́

(폴리비오스, Histories, book 12, chapter 25i)

των ἀναγκαῖον. ὅτι δὲ τὸ λεγόμενον οὐκ ἀδύνατον, ἱκανὸν ὑπόδειγμα πρὸσ πίστιν ὁ ποιητήσ, παρ’ ᾧ πολὺ τὸ τῆσ τοιαύτησ ἐμφάσεωσ ἴδοι τισ ἂν ὑπάρχον. ἐξ ὧν πᾶσ ἂν εἰκότωσ συγκατάθοιτο τρίτον εἶναι μέροσ τῆσ ἱστορίασ καὶ τρίτην ἔχειν τάξιν τὴν ἐκ τῶν ὑπομνημάτων πολυπραγμοσύνην.

ὡσ δ’ ἀληθέσ ἐστι τὸ νυνὶ λεγόμενον καὶ ἐκφανέστατον γένοιτ’ ἂν ἐπί τε τῶν συμβουλευτικῶν καὶ παρακλητικῶν, ἔτι δὲ πρεσβευτικῶν λόγων, οἷσ κέχρηται Τίμαιοσ.

ὀλίγοι μὲν γὰρ καιροὶ πάντασ ἐπιδέχονται διαθέσθαι τοὺσ ἐνόντασ λόγουσ, οἱ δὲ πλεῖστοι βραχεῖσ [καί] τινασ τῶν ὑπόντων, καὶ τούτων τινὰσ μὲν οἱ νῦν, ἄλλουσ δ’ οἱ προγεγονότεσ, καὶ τινὰσ μὲν Αἰτωλοὶ προσίενται, τινὰσ δὲ Πελοποννήσιοι, τινὰσ δ’ Ἀθηναῖοι.

καὶ τὸ μὲν ματαίωσ καὶ ἀκαίρωσ [καὶ] πρὸσ πάντα πάντασ διεξιέναι τοὺσ ἐνόντασ λόγουσ, ὃ ποιεῖ Τίμαιοσ πρὸσ πᾶσαν ὑπόθεσιν εὑρεσιλογῶν, τελέωσ ἀνάληθεσ καὶ μειρακιῶδεσ καὶ διατριβικόν ‐ ἅμα καὶ πολλοῖσ ἀποτυχίασ αἴτιον ἤδη τοῦτο γέγονε καὶ καταφρονήσεωσ ‐ τὸ δὲ τοὺσ ἁρμόζοντασ καὶ καιρίουσ ἀεὶ λαμβάνειν, τοῦτ’ ἀναγκαῖον.

ἀστάτου δὲ τῆσ χρείασ οὔσησ καὶ πόσοισ καὶ ποίοισ τῶν ἐνόντων χρηστέον, ἀλλοιοτέρου τινὸσ δεῖ ζήλου καὶ παραγγέλματοσ, εἰ μέλλομεν μὴ βλάπτειν, ἀλλ’ ὠφελεῖν τοὺσ ἀναγινώσκοντασ.

ἔστι μὲν οὖν ὁ καιρὸσ ἐν πᾶσι δυσπαράγγελτοσ, οὐ μὴν ἀδύνατοσ εἰσ ὑπόνοιαν ἀχθῆναι διὰ τῶν ἐκ τῆσ αὐτοπαθείασ καὶ τριβῆσ θεωρημάτων·

ἐπὶ δὲ τοῦ παρόντοσ μάλιστ’ ἂν ὑπονοηθείη τὸ λεγόμενον ἐκ τούτων. εἰ γὰρ οἱ συγγραφεῖσ ὑποδείξαντεσ τοὺσ καιροὺσ καὶ τὰσ ὁρμὰσ καὶ διαθέσεισ τῶν βουλευομένων, κἄπειτα τοὺσ κατ’ ἀλήθειαν ῥηθέντασ λόγουσ ἐκθέντεσ διασαφήσαιεν ἡμῖν τὰσ αἰτίασ, δι’ ἃσ ἢ κατευστοχῆσαι συνέβη τοὺσ εἰπόντασ ἢ διαπεσεῖν, γένοιτ’ ἄν τισ ἔννοια τοῦ πράγματοσ ἀληθινή, καὶ δυναίμεθ’ ἂν ἅμα μὲν διακρίνοντεσ, ἅμα δὲ μεταφέροντεσ ἐπὶ τὰ παραπλήσια κατευστοχεῖν ἀεὶ τῶν προκειμένων.

ἀλλ’ ἔστιν, οἶμαι, τὸ μὲν αἰτιολογεῖν δυσχερέσ, τὸ δὲ ῥησικοπεῖν ἐν τοῖσ βυβλίοισ ῥᾴδιον, καὶ τὸ μὲν ὀλίγα καιρίωσ εἰπεῖν καὶ τούτου παραγγελίαν εὑρεῖν ὀλίγοισ ἐφικτόν, τὸ δὲ πολλὰ διαθέσθαι καὶ ματαίωσ τῶν ἐν μέσῳ κειμένων καὶ κοινόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 25i

(폴리비오스, Histories, book 12, chapter 25i)

상위

목록

SEARCH

MENU NAVIGATION