헬라어 문장 검색 - ΠολψβίΗιστορί10́032́

(폴리비오스, Histories, book 10, v. res italiae)

αὐτοὶ δὲ τῶν ἱππέων ἀναλαβόντεσ ἴλασ δύο καὶ γροσφομάχουσ μετὰ τῶν ῥαβδοφόρων εἰσ τριάκοντα προῆγον, κατασκεψόμενοι τοὺσ τόπουσ. τῶν δὲ Νομάδων εἰθισμένοι τινὲσ τοῖσ ἀκροβολιζομένοισ καὶ καθόλου προπορευομένοισ ἐκ τοῦ τῶν ὑπεναντίων χάρακοσ ἐνέδρασ ποιεῖν, ὑπεστάλκεισαν κατά τινα συντυχίαν ὑπὸ τὸν λόφον.

οἷσ τοῦ σκοποῦ σημήναντοσ ὅτι παραγίνονταί τινεσ κατ’ ἄκρον τὸν βουνὸν ὑπερδέξιοι ’κείνων, ἐξαναστάντεσ καὶ παρὰ πλάγια ποιησάμενοι τὴν πορείαν ἀποτέμνονται τοὺσ στρατηγοὺσ καὶ διακλείουσιν ἀπὸ τῆσ ἰδίασ παρεμβολῆσ.

καὶ τὸν μὲν Κλαύδιον εὐθέωσ ἐν τῇ πρώτῃ συμπλοκῇ καί τινασ ἑτέρουσ ἅμα τούτῳ κατέβαλον, τοὺσ δὲ λοιποὺσ κατατραυματίσαντεσ διὰ τῶν κρημνῶν ἠνάγκασαν ἄλλον ἄλλῃ φεύγειν.

οἱ δ’ ἐν τῷ στρατοπέδῳ θεωροῦντεσ τὸ γινόμενον οὐδαμῶσ ἠδυνήθησαν ἐπικουρῆσαι τοῖσ κινδυνεύουσιν·

ἔτι γὰρ ἀναβοώντων καὶ πρὸσ τὸ συμβαῖνον ἐκπεπληγμένων, καὶ τῶν μὲν χαλινούντων τοὺσ ἵππουσ, τῶν δὲ καθοπλιζομένων, πέρασ εἶχε τὸ πρᾶγμα. Μάρκοσ μὲν οὖν ἀκακώτερον ἢ στρατηγικώτερον αὑτῷ χρησάμενοσ τοῖσ δεδηλωμένοισ περιέπεσε συμπτώμασιν·

ἐγὼ δὲ παρ’ ὅλην τὴν πραγματείαν πολλάκισ ἀναγκάζομαι περὶ τῶν τοιούτων ὑπομιμνήσκειν τοὺσ ἐντυγχάνοντασ, θεωρῶν, εἰ καὶ περί τι τῶν τῆσ στρατηγίασ μερῶν ἄλλο, καὶ περὶ τοῦτο διαμαρτάνοντασ τοὺσ ἡγεμόνασ, καίτοι προδήλου τῆσ ἀγνοίασ ὑπαρχούσησ.

τί γὰρ ὄφελοσ ἡγεμόνοσ ἢ στρατηγοῦ μὴ διειληφότοσ διότι τῶν κατὰ μέροσ κινδύνων, οἷσ μὴ συμπάσχει τὰ ὅλα, πλεῖστον ἀπέχειν δεῖ τὸν ἡγούμενον;

τί δ’ ἀγνοοῦντοσ ὅτι, κἄν ποτ’ ἀναγκάζωσιν οἱ καιροὶ πράττειν τι τῶν κατὰ μέροσ, πολλοὺσ δεῖ πρότερον ἀποθανεῖν τῶν συνόντων πρὶν ἢ τὸ δεινὸν ἐγγίσαι τοῖσ προεστῶσι τῶν ὅλων;

δεῖ γὰρ ἐν Καρὶ τὴν πεῖραν, ὡσ ἡ παροιμία φησίν, οὐκ ἐν τῷ στρατηγῷ γίνεσθαι.

τὸ μὲν γὰρ λέγειν ὡσ "3οὐκ ἂν ᾠόμην"3 "3τίσ γὰρ ἂν ἤλπισε τοῦτο γενέσθαι"3;

μέγιστον εἶναί μοι δοκεῖ σημεῖον ἀπειρίασ στρατηγικῆσ καὶ βραδυτῆτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, v. res italiae

(폴리비오스, Histories, book 10, v. res italiae)

상위

목록

SEARCH

MENU NAVIGATION