헬라어 문장 검색 - Πλυταρ́Συλλά33́

(플루타르코스, Sulla, chapter 33)

ἔξω δὲ τῶν φονικῶν καὶ τὰ λοιπὰ τοὺσ ἀνθρώπουσ ἐλύπει. δικτάτορα μὲν γὰρ ἑαυτὸν ἀνηγόρευσε, δι’ ἐτῶν ἑκατὸν εἴκοσι τοῦτο τὸ γένοσ τῆσ ἀρχῆσ ἀναλαβών. ἐψηφίσθη δὲ αὐτῷ πάντων ἄδεια τῶν γεγονότων, πρὸσ δὲ τὸ μέλλον ἐξουσία θανάτου, δημεύσεωσ, κληρουχιῶν, κτίσεωσ, πορθήσεωσ, ἀφελέσθαι βασιλείαν, καὶ ᾧ βούλοιτο χαρίσασθαι. τὰσ δὲ διαπράσεισ τῶν δεδημευμένων οἴκων οὕτωσ ὑπερηφάνωσ ἐποιεῖτο καὶ δεσποτικῶσ ἐπὶ βήματοσ καθεζόμενοσ, ὥστε τῶν ἀφαιρέσεων ἐπαχθεστέρασ αὐτοῦ τὰσ δωρεὰσ εἶναι, καὶ γυναιξὶν εὐμόρφοισ καὶ λυρῳδοῖσ καὶ μίμοισ καὶ καθάρμασιν ἐξελευθερικοῖσ ἐθνῶν χώρασ καὶ πόλεων χαριζομένου προσόδουσ, ἐνίοισ δὲ γάμουσ ἀκουσίωσ ζευγνυμένων γυναικῶν.

Πομπήϊον γέ τοι βουλόμενοσ οἰκειώσασθαι τὸν Μάγνον, ἣν μὲν εἶχε γαμετὴν ἀφεῖναι προσέταξεν, Αἰμιλίαν δέ, Σκαύρου θυγατέρα καὶ Μετέλλησ τῆσ ἑαυτοῦ γυναικόσ, ἀποσπάσασ Μανίου Γλαβρίωνοσ ἐγκύμονα, συνῴκισεν αὐτῷ·

ἀπέθανε δὲ ἡ κόρη παρὰ τῷ Πομπηϊῴ τίκτουσα. Λουκρητίου δὲ Ὀφέλλα τοῦ Μάριον ἐκπολιορκήσαντοσ αἰτουμένου καὶ μετιόντοσ ὑπατείαν πρῶτον μὲν ἐκώλυεν ὡσ δὲ ἐκεῖνοσ ὑπὸ πολλῶν σπουδαζόμενοσ εἰσ τὴν ἀγορὰν ἐνέβαλε, πέμψασ τινὰ τῶν περὶ αὐτὸν ἑκατονταρχῶν ἀπέσφαξε τὸν ἄνδρα, καθεξόμενοσ αὐτὸσ ἐπὶ βήματοσ ἐν τῷ Διοσκουρείῳ καὶ τὸν φόνον ἐφορῶν ἄνωθεν, τῶν δὲ ἀνθρώπων τὸν ἑκατοντάρχην συλλαβόντων καὶ προσαγαγόντων τῷ βήματι, σιωπῆσαι κελεύσασ τοὺσ θορυβοῦντασ αὐτὸσ ἔφη κελεῦσαι τοῦτο, καὶ τὸν ἑκατοντάρχην ἀφεῖναι προσέταξεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 33

(플루타르코스, Sulla, chapter 33)

상위

목록

SEARCH

MENU NAVIGATION