헬라어 문장 검색 - Πλυταρ́Συλλά06́

(플루타르코스, Sulla, chapter 6)

ἡ μέντοι πρὸσ Μάριον αὐτῷ στάσισ ἀνερριπίζετο καινὴν ὑπόθεσιν λαβοῦσα τὴν Βόκχου φιλοτιμίαν, ὃσ τόν τε δῆμον ἅμα θεραπεύων ἐν Ῥώμῃ καὶ τῷ Σύλλᾳ χαριζόμενοσ ἀνέθηκε εἰκόνασ ἐν Καπιτωλίῳ τροπαιοφόρουσ καὶ παρ’ αὐταῖσ χρυσοῦν Ιὀγόρθαν ὑφ’ ἑαυτοῦ Σύλλᾳ παραδιδόμενον. ἐφ’ ᾧ τοῦ Μαρίου βαρυθυμουμένου καὶ καθαιρεῖν ἐπιχειροῦντοσ, ἑτέρων δὲ ἀμύνειν τῷ Σύλλᾳ, καὶ τῆσ πόλεωσ ὅσον οὔπω διακεκαυμένησ ὑπ’ ἀμφοῖν, ὁ συμμαχικὸσ πόλεμοσ πάλαι τυφόμενοσ ἐπὶ τὴν πόλιν ἀναλάμψασ τότε τὴν στάσιν ἐπέσχεν.

ἐν τούτῳ, μεγίστῳ καὶ ποικιλωτάτῳ γενομένῳ καὶ πλεῖστα κακὰ καὶ βαρυτάτουσ παρασχόντι κινδύνουσ Ῥωμαίοισ, Μάριοσ μὲν οὐδὲν ἀποδεῖξαι μέγα δυνηθεὶσ ἤλεγχε τὴν πολεμικὴν ἀρετὴν ἀκμῆσ καὶ ῥώμησ δεομένην, Σύλλασ δὲ πολλὰ δράσασ ἄξια λόγου δόξαν ἔσχεν ἡγεμόνοσ μεγάλου μὲν παρὰ τοῖσ πολίταισ, μεγίστου δὲ παρὰ τοῖσ φίλοισ, εὐτυχεστάτου δὲ καὶ παρὰ τοῖσ ἐχθροῖσ. ἀλλ’ οὐκ ἔπαθε ταὐτὸ Τιμοθέῳ τῷ τοῦ Κόνωνοσ, ὅσ, εἰσ τὴν τύχην αὐτοῦ τὰ κατορθώματα τῶν ἐχθρῶν τιθεμένων καὶ γραφόντων ἐν πίναξι;

"ἀλλὰ ταύτησ γε τῆσ στρατείασ οὐδέν, ἄνδρεσ Ἀθηναῖοι, τῇ τύχῃ μέτεστι. πρὸσ Τιμόθεον μὲν οὖν φασιν οὕτω φανέντα φιλότιμον ἀντιμειρακιεύεσθαι τὸ δαιμόνιον, ὥστε μηδὲν ἔτι πρᾶξαι λαμπρόν, ἀλλὰ ὅλωσ ἀποτυγχάνοντα ταῖσ πράξεσι καὶ προσκρούοντα τῷ δήμῳ τέλοσ ἐκπεσεῖν τῆσ πόλεωσ·

Σύλλασ δὲ οὐ μόνον ἡδέωσ προσιέμενοσ τόν τοιοῦτον εὐδαιμονισμὸν καὶ ζῆλον, ἀλλὰ καὶ συναύξων καὶ συνεπιθειάζων τὰ πραττόμενα, τῆσ τύχησ ἐξῆπτεν, εἴτε κόμπῳ χρώμενοσ εἴθ’ οὕτωσ ἔχων τῇ δόξῃ πρὸσ τὸ θεῖον, καὶ γὰρ ἐν τοῖσ ὑπομνήμασι γέγραφεν ὅτι τῶν καλῶσ αὐτῷ βεβουλεῦσθαι δοκούντων αἱ μὴ κατὰ γνώμην, ἀλλὰ πρὸσ καιρὸν ἀποτολμώμεναι πράξεισ ἔπιπτον εἰσ ἄμεινον. ἔτι δὲ καὶ δι’ ὧν φησι πρὸσ τύχην εὖ πεφυκέναι μᾶλλον ἢ πρὸσ πόλεμον, τῇ τύχῃ τῆσ ἀρετῆσ πλέον ἐοίκε νέμειν καὶ ὅλωσ ἑαυτὸν τοῦ δαίμονοσ ποιεῖν, ὅσ γε καὶ τῆσ πρὸσ Μέτελλον ὁμονοίασ, ἰσότιμον ἄνδρα καὶ κηδεστήν, εὐτυχίαν τινὰ θείαν αἰτιᾶται·

πολλὰ γὰρ αὐτῷ πράγματα παρέξειν ἐπίδοξον ὄντα πρᾳότατον ἐν τῇ κοινωνίᾳ γενέσθαι τῆσ ἀρχῆσ, ἔτι δὲ Λευκόλλῳ μὲν ἐν τοῖσ ὑπομνήμασιν, ὧν ἐκείνῳ τὴν γραφὴν ἀνατέθεικε, παραινεῖ μηδὲν οὕτωσ ἡγεῖσθαι βέβαιον ὡσ ὅ τι ἂν αὐτῷ προστάξῃ νύκτωρ τὸ δαιμόνιον, ἐκπεμπομένου δὲ αὐτοῦ μετὰ δυνάμεωσ εἰσ τὸν συμμαχικὸν πόλεμον ἱστορεῖ χάσμα τῆσ γῆσ μέγα γενέσθαι περὶ Λαβέρνην· ἐκ δὲ τούτου πῦρ ἀναβλῦσαι πολὺ καὶ φλόγα λαμπρὰν στηρίσαι πρὸσ τόν οὐρανόν.

εἰπεῖν δὴ καὶ τοὺσ μάντεισ ὡσ ἀνὴρ ἀγαθὸσ ὄψει διάφοροσ καὶ περιττὸσ ἄρξασ ἀπαλλάξει τῇ πόλει ταραχὰσ τὰσ παρούσασ, τοῦτον δὲ αὑτὸν εἶναι φησιν ὁ Σύλλασ·

τῆσ μὲν γὰρ ὄψεωσ ἴδιον εἶναι τὸ περὶ τὴν κόμην χρυσωπόν, ἀρετὴν δὲ οὐκ αἰσχύνεσθαι μαρτυρῶν ἑαυτῷ μετὰ πράξεισ καλὰσ οὕτω καὶ μεγάλασ. ταῦτα μὲν οὖν περὶ τῆσ θειότητοσ. τὸν δὲ ἄλλον τρόπον ἀνώμαλόσ τισ ἐοίκε γεγονέναι καὶ διάφοροσ πρὸσ ἑαυτόν, ἀφελέσθαι πολλά, χαρίσασθαι πλείονα, τιμῆσαι παραλόγωσ, παραλόγωσ ἐφυβρίσαι, θεραπεύειν ὧν δέοιτο, θρύπτεσθαι πρὸσ τοὺσ δεομένουσ, ὥστε ἀγνοεῖσθαι πότερον ὑπερόπτησ φύσει μᾶλλον ἢ κόλαξ γέγονε. τὴν μὲν γὰρ ἐν ταῖσ τιμωρίαισ ἀνωμαλίαν, ἐξ ὧν ἔτυχεν αἰτιῶν ἀποτυμπανίζοντοσ αὐτοῦ καὶ πάλιν τὰ μέγιστα τῶν ἀδικημάτων πρᾴωσ φέροντοσ, καὶ διαλλαττομένου μὲν ἐπὶ τοῖσ ἀνηκέστοισ μετὰ εὐκολίασ, τὰ δὲ μικρὰ καὶ φαῦλα προσκρούσματα σφαγαῖσ καὶ δημεύσεσιν οὐσιῶν μετιόντοσ, οὕτωσ ἄν τισ διαιτήσειεν ὡσ φύσει μὲν ὀργὴν χαλεπὸν ὄντα καὶ τιμωρητικόν, ὑφιέμενον δὲ τῆσ πικρίασ λογισμῷ πρὸσ τὸ συμφέρον, ἐν αὐτῷ γε τούτῳ τῷ συμμαχικῷ πολέμῳ τῶν στρατιωτῶν αὐτοῦ στρατηγικὸν ἄνδρα πρεσβευτήν, Ἀλβῖνον ὄνομα, ξύλοισ καὶ λίθοισ διαχρησαμένων, παρῆλθε καὶ οὐκ ἐπεξῆλθεν ἀδίκημα τοσοῦτον, ἀλλὰ καὶ σεμνυνόμενοσ διεδίδου λόγον ὡσ προθυμοτέροισ διὰ τοῦτο χρήσοιτο πρὸσ τόν πόλεμον αὐτοῖσ ἰωμένοισ τὸ ἁμάρτημα δι’ ἀνδραγαθίασ.

τῶν δ’ ἐγκαλούντων οὐδὲν ἐφρόντιζεν, ἀλλὰ ἤδη καταλῦσαι Μάριον διανοούμενοσ καὶ τοῦ πρὸσ τοὺσ συμμάχουσ πολέμου τέλοσ ἔχειν δοκοῦντοσ ἀποδειχθῆναι στρατηγὸσ ἐπὶ Μιθριδάτην, ἐθεράπευε τὴν ὑφ’ ἑαυτῷ στρατιάν.

καὶ παρελθὼν εἰσ τὴν πόλιν ὕπατοσ μὲν ἀποδείκνυται μετὰ Κοΐντου Πομπηϊού, πεντήκοντα ἔτη γεγονώσ, γαμεῖ δὲ γάμον ἐνδοξότατον Καικιλίαν τὴν Μετέλλου θυγατέρα τοῦ ἀρχιερέωσ.

ὥσ φησιν ὁ Τίτοσ, οὐ μόνην δὲ ταύτην ἔγημεν, ἀλλὰ πρώτην μὲν ἔτι μειράκιον ὢν Ἰλίαν ἔσχε τὴν καὶ θυγάτριον αὐτῷ τεκοῦσαν, εἶτα μετ’ ἐκείνην Αἰλίαν τρίτην δὲ Κλοιλίαν, ἣν ἀπεπέμψατο μὲν ὡσ στεῖραν ἐντίμωσ καὶ μετ’ εὐφημίασ καὶ δῶρα προσθείσ, ὀλίγαισ δὲ ὕστερον ἡμέραισ ἀγαγόμενοσ τὴν Μετέλλαν ἔδοξε διὰ τοῦτο τὴν Κλοιλίαν οὐ καλῶσ αἰτιάσασθαι.

τὴν μέντοι Μετέλλαν ἐν πᾶσι θεραπεύων διετέλεσεν, ὥστε καὶ τόν Ῥωμαίων δῆμον, ὅτε τοὺσ περὶ Μάριον φυγάδασ ἐπεθύμει καταγαγεῖν, ἀρνουμένου τοῦ Σύλλᾳ, δεόμενον ἐπιβοήσασθαι τὴν Μετέλλαν.

ἐδόκει δὲ καὶ τοῖσ Ἀθηναίοισ ἑλὼν τὸ ἄστυ προσενεχθῆναι τραχύτερον, ὅτι τὴν Μετέλλαν ἀπὸ τοῦ τείχουσ γεφυρίζοντεσ ἐλοιδόρησαν. ἀλλὰ ταῦτα μὲν ὕστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 6

(플루타르코스, Sulla, chapter 6)

상위

목록

SEARCH

MENU NAVIGATION