Plutarch, Sertorius, chapter 26 3:

οἱ δὲ ἐπείθοντο, καί παρασκευάσαντεσ ἄνθρωπον γράμματα κομίζοντα τῷ Σερτωρίῳ προσήγαγον. ἐδήλου δὲ τὰ γράμματα νίκην τινὸσ τῶν ὑπ’ αὐτῷ στρατηγῶν καί φόνον πολὺν τῶν πολεμίων, ἐφ’ οἷσ τοῦ Σερτωρίου περιχαροῦσ ὄντοσ καί θύοντοσ εὐαγγέλια, Περπέννασ ἑστίασιν αὐτῷ καί τοῖσ παροῦσι φίλοισ οὑ̔͂τοι δὲ ἦσαν ἐκ τῆσ συνωμοσίασ ἐπηγγέλλετο, καί πολλὰ λιπαρήσασ ἔπεισεν ἐλθεῖν.