헬라어 문장 검색 - Πλυταρ́Σερτορί14́

(플루타르코스, Sertorius, chapter 14)

ἔκ τε δὴ τούτων θαυμαζόμενοσ ἠγαπᾶτο παρὰ τοῖσ βαρβάροισ ὁ Σερτώριοσ, καὶ ὅτι Ῥωμαϊκοῖσ ὁπλισμοῖσ καὶ τάξεσι καὶ συνθήμασιν ἀφαιρῶν τὸ μανικὸν καὶ θηριῶδεσ αὑτῶν τῆσ ἀλκῆσ ἀντὶ λῃστηρίου μεγάλου στρατὸν ἐποιεῖτο τὴν δύναμιν, ἔτι δ’ ἀργύρῳ χρώμενοσ ἀφειδῶσ καὶ χρυσῷ κράνη τε κατεκόσμει καὶ θυρεοὺσ αὑτῶν διεποίκιλλε, καὶ χλαμύσιν ἀνθιναῖσ καὶ χιτῶσι χρῆσθαι διδάσκων καὶ χορηγῶν εἰσ ταῦτα καὶ συμφιλοκαλῶν ἐδημαγώγει. μάλιστα δὲ εἷλεν αὐτοὺσ τὰ τῶν παίδων, τοὺσ γὰρ εὐγενεστάτουσ ἀπὸ τῶν ἐθνῶν συναγαγὼν εἰσ Ὄσκαν, πόλιν μεγάλην, διδασκάλουσ ἐπιστήσασ Ἑλληνικῶν τε καὶ Ῥωμαϊκῶν μαθημάτων ἔργῳ μὲν ἐξωμηρεύσατο, λόγῳ δὲ ἐπαίδευεν, ὡσ ἀνδράσι γενομένοισ πολιτείασ τε μεταδώσων καὶ ἀρχῆσ.

οἱ δὲ πατέρεσ ἥδοντο θαυμαστῶσ τοὺσ παῖδασ ἐν περιπορφύροισ ὁρῶντεσ μάλα κοσμίωσ φοιτῶντασ εἰσ τὰ διδασκαλεῖα, καὶ τὸν Σερτώριον ὑπὲρ αὑτῶν μισθοὺσ τελοῦντα, καὶ πολλάκισ ἀποδείξεισ λαμβάνοντα, καὶ γέρα τοῖσ ἀξίοισ νέμοντα, καὶ τὰ χρυσᾶ περιδέραια δωρούμενον ἃ Ῥωμαῖοι βούλλασ καλοῦσιν.

ἔθουσ δ’ ὄντοσ Ἰβηρικοῦ τοὺσ περὶ τὸν ἄρχοντα τεταγμένουσ συναποθνῄσκειν αὐτῷ πεσόντι, καὶ τοῦτο τῶν ἐκεῖ βαρβάρων κατάσπεισιν ὀνομαζόντων, τοῖσ μὲν ἄλλοισ ἡγεμόσιν ὀλίγοι τῶν ὑπασπιστῶν καὶ τῶν ἑταίρων, Σερτωρίῳ δὲ πολλαὶ μυριάδεσ ἀνθρώπων κατεσπεικότων ἑαυτοὺσ ἠκολούθουν.

λέγεται δὲ πρόσ τινι πόλει τροπῆσ γενομένησ καὶ τῶν πολεμίων ἐπικειμένων τοὺσ Ἴβηρασ ἀμελήσαντασ αὑτῶν τὸν Σερτώριον σῴζειν καὶ τοῖσ ὤμοισ ἐπαραμένουσ ἄλλουσ πρὸ ἄλλων ἀνακουφίσαι πρὸσ τὰ τείχη, γενομένου δ’ ἐν ἀσφαλεῖ τοῦ ἄρχοντοσ, οὕτω τρέπεσθαι πρὸσ φυγὴν ἕκαστον αὑτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 14

(플루타르코스, Sertorius, chapter 14)

상위

목록

SEARCH

MENU NAVIGATION