헬라어 문장 검색 - Πλυταρ́Σερτορί18́

(플루타르코스, Sertorius, chapter 18)

μέχρι μὲν οὖν τοῖσ περὶ Μέτελλον ἐπολέμει, τὰ πλεῖστα κατευτυχεῖν ἐδόκει, γήρᾳ καὶ φυσικῇ βραδυτῆτι τοῦ Μετέλλου πρὸσ ἄνδρα τολμητὴν καὶ λῃστρικῆσ μᾶλλον ἢ στρατιωτικῆσ ἡγούμενον δυνάμεωσ οὐκ ἀναφέροντοσ· ἐπεὶ δὲ καὶ Πομπηϊῴ τὴν Πυρήνην ὑπερβαλόντι παραστρατοπεδεύσασ, καὶ πᾶσαν ἅμα μὲν διδοὺσ, ἅμα δὲ λαμβάνων στρατηγικῶν παλαισμάτων πεῖραν, ἀντιτεχνώμενόσ τε καὶ φυλαττόμενοσ πλεῖον εἶχε, κομιδῇ διεβοήθη μέχρι Ῥώμησ ὡσ δεινότατοσ ὢν πόλεμον μεταχειρίσασθαι τῶν τότε στρατηγῶν. οὐ γάρ τι μικρὸν ἦν τὸ Πομπηϊού κλέοσ, ἀλλ’ ἤνθει τότε μάλιστα πρὸσ δόξαν ἐκ τῶν περὶ Σύλλαν ἀνδραγαθημάτων, ἐφ’ οἷσ καὶ Μᾶγνοσ ὑπ’ αὐτοῦ, τουτέστι Μέγασ, ἐπωνομάσθη τιμῶν τε θριαμβικῶν οὔπω γενειῶν ἔτυχεν.

ὅθεν καὶ πολλαὶ τῶν ὑπὸ Σερτωρίῳ πόλεων ἀποβλέψασαι πρὸσ αὐτὸν ὁρμὴν μεταβολῆσ ἔσχον, εἶτα ἐπαύσαντο, τοῦ περὶ Λαύρωνα πάθουσ παρὰ πᾶσαν ἐλπίδα συμβάντοσ. Σερτωρίου γὰρ πολιορκοῦντοσ αὑτοὺσ ἧκε Πομπήϊοσ πανστρατιᾷ βοηθήσων εἶτα ὁ μὲν λόφον εὖ δοκοῦντα πεφυκέναι κατὰ τῆσ πόλεωσ προληψόμενοσ, ὁ δὲ τοῦτο κωλύσων ἠπείγετο.

τοῦ δὲ Σερτωρίου φθάσαντοσ ἐπιστήσασ τὸν στρατὸν ὁ Πομπήϊοσ ἔχαιρε τῇ συντυχίᾳ, νομίζων ἐν μέσῳ τῆσ πόλεωσ καὶ τῆσ αὐτοῦ στρατιᾶσ ἀπειλῆφθαι τὸν Σερτώριον καὶ πρὸσ τοὺσ Λαυρωνίτασ εἰσέπεμψε θαρρεῖν κελεύων καὶ καθῆσθαι περὶ τὰ τείχη θεωμένουσ πολιορκούμενον Σερτώριον. ἐκεῖνοσ δ’ ἀκούσασ ἐγέλασε, καὶ τὸν Σύλλα μαθητὴν οὕτω γὰρ τὸν Πομπήϊον ἐπισκώπτων προσηγόρευεν αὐτὸσ ἔφη διδάξειν ὅτι δεῖ τὸν στρατηγὸν κατόπιν μᾶλλον ἢ κατὰ πρόσωπον βλέπειν.

ταῦτα δὲ λέγων ἅμα τοῖσ πολιορκουμένοισ ἐπεδείκνυεν ἑξακισχιλίουσ ὁπλίτασ ὑπ’ αὐτοῦ καταλελειμμένουσ ἐπὶ τοῦ προτέρου χάρακοσ, ὅθεν ὁρμηθεὶσ κατειλήφει τὸν λόφον, ὅπωσ ἐπὶ σφᾶσ τρεπομένῳ τῷ Πομπηϊῴ κατὰ νώτου προσπέσοιεν. ὃ δὴ καὶ Πομπήϊοσ ὀψὲ μάλα συμφρονήσασ ἐπιχειρεῖν μὲν οὐκ ἐθάρρει κύκλωσιν δεδοικώσ, ἀπολιπεῖν δὲ ᾐσχύνετο κινδυνεύοντασ ἀνθρώπουσ, παρὼν δὲ καὶ καθήμενοσ ἠναγκάζετο ὁρᾶν ἀπολλυμένουσ·

ἀπέγνωσαν γὰρ αὑτοὺσ οἱ βάρβαροι καὶ τῷ Σερτωρίῳ παρέδωκαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 18

(플루타르코스, Sertorius, chapter 18)

상위

목록

SEARCH

MENU NAVIGATION