헬라어 문장 검색 - Πλυταρ́Σερτορί20́

(플루타르코스, Sertorius, chapter 20)

ἠθύμει δὲ δεινῶσ διὰ τὸ μηδαμοῦ φανερὰν τὴν ἔλαφον ἐκείνην εἶναι· μηχανῆσ γὰρ ἐπὶ τοὺσ βαρβάρουσ ἐστέρητο θαυμαστῆσ, τότε δὴ μάλιστα παραμυθίασ δεομένουσ, εἶτα μέντοι νυκτὸσ ἄλλωσ πλανώμενοί τινεσ ἐπιτυγχάνουσιν αὐτῇ, καί γνωρίσαντεσ ἀπὸ τῆσ χρόασ λαμβάνουσιν. ἀκούσασ δὲ ὁ Σερτώριοσ ἐκείνοισ μὲν ὡμολόγησεν, ἂν μηδενὶ φράσωσι, χρήματα πολλὰ δώσειν, ἀποκρύψασ δὲ τὴν ἔλαφον καί διαλιπὼν ὀλίγασ ἡμέρασ προῄει μάλα φαιδρὸσ ἀπ’ ὄψεωσ ἐπὶ τὸ βῆμα, διηγούμενοσ τοῖσ ἡγεμόσι τῶν βαρβάρων ὡσ ἀγαθόν τι μέγα τοῦ θεοῦ προμηνύοντοσ αὐτῷ κατὰ τοὺσ ὕπνουσ·

εἶτα ἀναβὰσ ἐπὶ τὸ βῆμα τοῖσ ἐντυγχάνουσιν ἐχρημάτιζεν. ἡ δὲ ἔλαφοσ ὑπὸ τῶν φυλαττόντων αὐτὴν ἐγγὺσ ἀφεθεῖσα καί κατιδοῦσα τὸν Σερτώριον ἐχώρει δρόμῳ περιχαρὴσ πρὸσ τὸ βῆμα, καί παραστᾶσα τὴν κεφαλὴν ἐπέθηκε ταῖσ γόνασιν αὐτοῦ καί τῷ στόματι τῆσ δεξιᾶσ ἔψαυεν, εἰθισμένη καί πρότερον τοῦτο ποιεῖν.

ἀντιφιλοφρονουμένου δὲ τοῦ Σερτωρίου πιθανῶσ καί τι καί δακρύσαντοσ, ἔκπληξισ εἶχε τοὺσ παρόντασ τὸ πρῶτον, εἶτα κρότῳ καί βοῇ τὸν Σερτώριον ὡσ δαιμόνιον ἄνδρα καί θεοῖσ φίλον οἴκαδε προπέμψαντεσ ἐν εὐθυμίαισ καί χρησταῖσ ἐλπίσιν ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 20

(플루타르코스, Sertorius, chapter 20)

상위

목록

SEARCH

MENU NAVIGATION