헬라어 문장 검색 - Πλυταρ́Σερτορί11́

(플루타르코스, Sertorius, chapter 11)

οὐ μὴν ἀλλὰ τότε γε τῶν Λυσιτανῶν καλούντων ἀπῆρεν ἐκ Λιβύησ, καὶ τούτουσ συνέταττεν εὐθὺσ αὐτοκράτωρ στρατηγὸσ, καὶ τὴν ἐγγὺσ Ἰβηρίαν ὑπήκοον ἐποιεῖτο, τῶν πλείστων ἑκουσίωσ προστιθεμένων, μάλιστα μὲν διὰ τὸ πρᾷον αὐτοῦ καὶ δραστήριον, ἔστι δὲ ἃ καὶ σοφιστικῶσ αὐτὸσ εἰσ ἀπάτην καὶ κήλησιν ἐμηχανᾶτο. καὶ πρῶτόν γε πάντων τὸ περὶ τὴν ἔλαφον. ἦν δὲ τοιόνδε. Σπανὸσ ἀνὴρ δημότησ τῶν ἐπὶ χώρασ βιούντων ἐλάφῳ νεοτόκῳ φευγούσῃ κυνηγέτασ ἐπιτυχών αὐτῆσ μὲν ἀπελείφθη, τὴν δὲ νεβρὸν, ἐκπλαγεὶσ τῇ καινότητι τῆσ χρόασ λευκὴ γὰρ ἦν πᾶσα, λαμβάνει διώξασ.

κατὰ τύχην δὲ Σερτωρίου τοῖσ τόποισ ἐναυλισαμένου, καὶ πᾶν ὅ τισ ἐξ ἄγρασ ἢ γεωργίασ ἥκοι κομίζων δῶρον ἀσμένωσ δεχομένου, καὶ φιλοφρόνωσ ἀμειβομένου τοὺσ θεραπεύοντασ, ἐγχειρίζει φέρων αὐτῷ τὴν νεβρὸν. ὁ δὲ δεξάμενοσ αὐτίκα μὲν ἥσθη μετρίωσ·

χρόνῳ δὲ ποιησάμενοσ τιθασὸν οὕτω καὶ φιλάνθρωπον ὥστε καὶ καλοῦντοσ ἀκούειν, καὶ βαδίζοντί ποι παρακολουθεῖν, ὄχλου τε καὶ θορύβου παντὸσ ἀνέχεσθαι στρατιωτικοῦ, κατὰ μικρὸν ἐξεθείαζε φάσκων Ἀρτέμιδοσ δῶρον τὴν ἔλαφον εἶναι, καὶ πολλὰ τῶν ἀδήλων ἐπεφήμιζεν αὐτῷ δηλοῦν, γινώσκων εὐάλωτον εἰσ δεισιδαιμονίαν εἶναι φύσει τὸ βαρβαρικόν. ὁ δὲ καὶ προσετεχνᾶτο τοιάδε· γνοὺσ γὰρ ἂν κρύφα τοὺσ πολεμίουσ ἐμβεβληκότασ ποι τῆσ ὑπ’ αὐτὸν χώρασ ἢ πόλιν ἀφιστάντασ, προσεποιεῖτο τὴν ἔλαφον αὐτῷ κατὰ τοὺσ ὕπνουσ διειλέχθαι, κελεύουσαν ἐν ἑτοίμῳ τὰσ δυνάμεισ ἔχειν, αὖθισ δὲ νίκην τινὰ τῶν ἑαυτοῦ στρατη·

γῶν ἀκούσασ τὸν μὲν ἄγγελον ἔκρυπτε, τὴν δὲ ἔλαφον ἐστεφανωμένην ἐπ’ εὐαγγελίοισ προῆγεν, εὐθυμεῖσθαι παρακαλῶν καὶ τοῖσ θεοῖσ θύειν ὡσ ἀγαθόν τι πευσομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 11

(플루타르코스, Sertorius, chapter 11)

상위

목록

SEARCH

MENU NAVIGATION